युरोकप फुटबलमा पोल्याण्डको स्थान सुरक्षित

असोज २७, २०७६ सोमबार ९:१६:४१ | उज्यालो सहकर्मी

नर्थ मासेडोनियाविरुद्ध २-० को सहज जित निकालेसँगै पोल्याण्ड पनि सन् २०२० मा हुने युरोकप फुटबलका लागि स्थान सुरक्षित गरेको छ ।

बेल्जियम र इटलीसँगै पोल्यान्ड छनोट चरण पार गर्ने तेस्रो टिम बनेको छ । समूह जीबाट २ खेल बाँकी छँदै उसले छनोटको यात्रा निश्चित गरेको हो ।

गए राति भएको खेलमा बार्यन म्यूनिखका सुपरस्टार रोवर्ट लेबान्डोस्की प्रेरित पोल्यान्डले पहिलो हाफ गोलरहित बराबरी खेलेको थियो । दोस्रो हाफको अन्त्यतिर दुई गोल गर्न सफल रह्यो । दुवै गोलका लागि लेबान्डोस्कीले पास उपलब्ध गराएका थिए ।

७४ औं मिनेटमा प्राजेन्सलाम फ्रान्स्कोस्की र ८० औं मिनेटमा आर्काडियुज मिलिकले गोल गरी युरोकप छनोट निश्चित गरेका हुन् ।

समूहमा ८ खेलबाट पोल्यान्डको १९ अंक भएको छ । यो समूहमा दोस्रो स्थानमा रहेको अस्ट्रियाको १६ अंक छ । गए राति नै अस्ट्रियाले पनि स्लोभेनियामाथि १-० को संघर्षपूर्ण जित निकालेको थियो ।

समान ११ अंकसहित नर्थ मासेडोनिया र स्लोभेनिया क्रमसः तेस्रो र चौथो स्थानमा छन् । यस समूहबाट इजरायल र लात्भिया यसअघि नै बाहिरिइसकेका छन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्