गांगुली बीसीसीआईको अध्यक्ष बन्ने सम्भावना

असोज २७, २०७६ सोमबार ११:३०:८ | उज्यालो सहकर्मी

भारतीय क्रिकेट टीमका पूर्व कप्तान सौरभ गांगुली भारतीय क्रिकेट कन्ट्रोल बोर्ड (बीसीसीआई)को अध्यक्ष बन्ने सम्भावना बढेको छ । गांगुलीले सोमबार बीसीसीआईको अध्यक्ष पदका लागि उम्मेद्वारी दिने तयारीमा छन् ।

बीसीसीआईको अध्यक्षका लागि उम्मेद्वारी दिने समय सोमबारसम्म छ । अध्यक्षका लागि अरुले उम्मेद्वारी दिने सम्भावना नरहेकाले गांगुली निर्विरोध निर्वाचित हुने लगभग निश्चित जस्तै रहेको भारतीय सञ्चारमाध्यमले जनाएका छन् ।

यस्तै, गुजरात क्रिकेट एसोसियसनका अध्यक्ष जय साह बीसीसीआईको सचिव बन्ने सम्भावना रहेको पनि भारतीय सञ्चारमाध्यमले जनाएका छन् । उनी भाजपाका अध्यक्ष तथा भारतीय गृहमन्त्री अमित साहका छोरा हुन् ।

सोमबार बीसीसीआईको अध्यक्ष र सँयुक्त सचिवसहित पाँच पदका लागि उम्मेद्वारी दर्ता गर्ने अन्तिम दिन हो । बीसीसीआईको नयाँ कार्यसमितिको चुनाब कात्तिक ६ गते हुनेछ ।

यस्तै, इण्डियन प्रिमियर लिग आईपीएलको अध्यक्ष पदमा भारतका पूर्व ब्याट्सम्यान तथा प्रशासक बृजेश पटेल नियुक्त हुने सम्भावना बढेको भारतीय सञ्चारमाध्यमले जनाएको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्