विश्वकप छनाेट : नेपाल र जाेर्डनबीचकाे खेल आज

असोज २८, २०७६ मंगलबार ८:१:२० | उज्यालो सहकर्मी

फिफा विश्वकप छनोटको दोस्रो चरणको अन्तिम अवे खेलमा नेपालले मंगलबार बलियो प्रतिद्धन्द्धी जोर्डनसँग खेल्दैछ । जोर्डनको अमान अन्तराष्ट्रिय स्टेडियममा हुने खेल नेपाली समय अनुसार मंगलबार राति पौने नौ बजेबाट सुरु हुनेछ । अष्ट्रेलियासँगको खेलपछि साेझै जोर्डन पुगेको नेपाली टिमले घरेलु टिमलाई बराबरीमा रोक्न सकेमा पनि ठूलो उपलब्धि हुनेछ ।

अष्ट्रेलियाविरुद्ध नेपालले पाँच शून्यको हार ब्यहोरेको थियो । जारी प्रतियोगितामा जोर्डनले अहिलेसम्म २ खेल खेलेका छ । जसमा एक खेल बराबरी खेलेको छ भने एकमा जित निकालेको छ । उसले चाइनिज ताइपेइलाई हराउँदा कुवेतसँग बराबरी खेलेको थियो ।

यता नेपालले तीन खेलमा एक जित र २ हार ब्यहोरेको छ । पहिलो खेलमा कुवेतसँग सात शून्यको भारी अन्तरले हारेको नेपालले दोस्रो खेलमा चाइनिज ताइपेइलाई २–० ले पराजित गरेको थियो । तेस्रो खेलमा अष्ट्रेलियासँग हारेको थियो ।

अष्ट्रेलियाविरुद्ध सोचेकोभन्दा राम्रो खेल खेलेको नेपालले जोर्डनविरुद्ध बलियो मनोबलका साथ मैदानमा उत्रनेछ । यी २ टिम यसअघि विश्वकप छनोट अन्तर्गत नै २०११ मा खेलेका थिए ।

जसमा पहिलो खेलमा नेपालले जोर्डनसँग ९–० को हार ब्यहोरे पनि घरेलु मैदानमा एक–एकको बराबरी खेलेको थियो । त्यसपछि नेपाल र जोर्डन पहिलो पटक खेल्न लागेका हुन् । फिफा वरीयतामा ९८ औं स्थानमा रहेको जोर्डन र एक सय ६१ औं स्थानमा रहेको नेपालबीचको भिडन्त यसपटक रोमाञ्चक हुने अपेक्षा गरिएको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्