एनआरएनएको नयाँ नेतृत्वका लागि पन्त र आचार्य समूह प्रतिस्पर्धामा

असोज २९, २०७६ बुधबार ११:१६:३९ | उज्यालो सहकर्मी

काठमाण्डौ – गैरआवासीय नेपाली संघ (एनआरएनए) को नयाँ नेतृत्वको लागि बुधबार चुनाव हुँदैछ ।

नयाँ नेतृत्वको लागि दुई समूह प्रतिस्पर्धामा छन् । कुमार पन्त र कुल आचार्यबीच प्रतिस्पर्धा हुन लागेको हो । पन्त समूहबाट उपाध्यक्षमा रसियाबाट डा. बद्री केसी, अफ्रिकाबाट हिक्मत थापा, अमेरिकाबाट सोनाम लामा, बेल्जियमबाट अर्जुनकुमार श्रेष्ठ र अष्ट्रेलियाबाट धर्मराज अधिकारी प्रतिस्पर्धामा छन् ।

यस्तै पन्त समूहले महासचिवमा बेलायत निवासी प्राध्यापक डा. हेमराज शर्मालाई अघि सारेको छ । सचिवमा अमेरिका निवासी गौरी जोशीबारे निर्णय गरेको भए पनि बेल्जियमका शिवकुमार बरुवाल र मध्यपूर्वका राजेन्द्रकुमार शर्मा मध्ये एकलाई लैजाने तयारी भैरहेको छ ।

संघका अहिलेका उपाध्यक्ष कुल आचार्यको समूहबाट पाँच उपाध्यक्षमा अमेरिकाबाट डा. केशव पौडेल, अष्ट्रेलियाबाट मन केसी, मध्यपूर्वबाट नरेन्द्र भाट र अमेरिकाबाट रबिना थापालाई अगाडि सारिएको छ ।

यस्तै महासचिवमा बेल्जियम बस्ने व्यवसायी जानकी गुरुङलाई अघि सारिएको छ । गुरुङ एनआरएनएकी वर्तमान सचिव हुनुहुन्छ ।

चुनावका लागि झण्डै २५ सय मतदाता सहभागी हुनेछन् । संघको नयाँ नेतृत्वका लागि हरेक दुई/दुई वर्षमा चुनाव हुने गरेको छ । सम्मेलनमा ८१ देशका प्रतिनिधि सहभागी छन् ।

अन्तिम अपडेट: पुस १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्