एउटै टेस्ट सिरिजमा सर्वाधिक छक्का प्रहार गर्ने रेकर्ड राेहितकाे नाममा, हेटमायरलाई उछिने

कात्तिक २, २०७६ शनिबार १६:१:३ | उज्यालो सहकर्मी

काठमाण्डौ – दक्षिण अफ्रिकाविरुद्धको तेस्रो तथा अन्तिम टेस्टमा भारतीय खेलाडी रोहित शर्माले नयाँ रेकर्ड बनाएका छन् ।

राँचीमा सुरु भएको टेस्टमा टस जितेर भारतले पहिले ब्याटिङ गर्ने निर्णय गरेको थियो । एकदिवसीय क्रिकेटमा उत्कृष्ट लयमा रहेका रोहितले टेस्टमा पनि आफूलाई अब्बल सावित गरेका छन् ।

उनले शनिबार दक्षिण अफ्रिकाविरुद्ध तीन छक्का प्रहार गरेपछि एउटै टेस्ट सिरिजमा सर्वाधिक छक्का प्रहार गर्ने रेकर्ड बनाएका हुन् । रोहितले एक टेस्ट सिरिजमा १६ छक्काको कीर्तिमान बनाएका हुन् ।

यसअघि यो रेकर्ड वेस्टइण्डिजका शिमराेन हेटमायरको नाममा थियो । उनले बंगलादेशविरुद्धको टेस्ट सिरिजमा १५ छक्का प्रहार गरेका थिए ।

रोहितभन्दा पहिला टेस्टको एक सिरिजमा सर्वाधिक छक्का प्रहार गर्ने रेकर्ड भारतका हरभजन सिंहले बनाएका थिए । सिंहले न्युजिल्याण्डविरुद्ध १४ छक्का प्रहार गरेका थिए ।

यस्तै रोहितले टेस्टमा छैटौँ शतक पनि बनाएका छन् । उनले अहिलेसम्म सबै शतक भारतमा मात्रै बनाएका हुन् । याेसँगै राेहितले टेस्टमा दुई हजार रन पनि पूरा गरेका छन् ।

रोहित अहिले ११७ रनमा नट आउट छन् भने अजिन्क्या रहाणे ८३ रन बनाएर खेलिरहेका छन् । भारतका मयंक अग्रवाल १० रनमा आउट हुँदा चेतेश्वर पुजाराले खाता नै खोल्न सकेनन् ।

त्यस्तै कप्तान विराट कोहली १२ रनमा आउट भएका थिए । दक्षिण अफ्रिकाका कागिसो राबडाले २ तथा एनरिच नोर्तेजले एक विकेट लिएका छन् ।

लगातार दुई टेस्ट जित्दै सिरिज जीतिसकेको भारत क्लीनस्वीप गर्ने दाउमा छ भने दक्षिण अफ्रिका यो टेस्ट जित्दै क्लिनस्वीप हुनबाट जोगिने प्रयासमा छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्