डब्लूसीएल : क्याट क्वीन्स प्लेअफमा, रूविनाकाे दाेस्राे अर्धशतक

कात्तिक ३, २०७६ आइतबार १३:३६:१ | उज्यालो सहकर्मी

वुमन्स च्याम्पियन्स लिग अन्तर्गत क्याट क्वीन्स काठमाण्डाैले तेस्रो जित निकालेको छ । आइतबार भएको खेलमा क्याट क्वीन्सले ललितपुर फाल्कोन्सलाई आठ विकेटले हरायो ।

टस जितेर पहिले ब्याटिङ गरेको ललितपुरले २० ओभरमा पाँच विकेट गुमाउँदै एक सय पाँच रन बनायो । उसका चार खेलाडीलेमात्र दोहोरो अंक जोड्न सके । जसमा रोशनी बोहोराले सर्वाधिक २९ रन बनाउँदा कप्तान नेरी थापाले २२ तथा ममता चौधरीले १५ रन बनाइन् । यस्तै गिता गोसाईले १३ रन थपिन् ।

२४ रनमा पहिलो विकेट गुमाएको ललितपुरले ४४ रनमा दोस्रो विकेट खेर फाल्यो । उसका मध्यक्रमका खेलाडीले राम्रो खेल्न नसक्दा ९७ रनमा पाँच विकेट खेर फालेको थियो ।

जवाफमा क्याट क्विन्सले १७ ओभर दुई बलमा २ विकेट गुमाउँदै लक्ष्य पूरा गर्‍यो । उसका जितमा रुवीना क्षेत्रीले अर्धशतक बनाइन् । जारी प्रतियोगितामा दोस्रो अर्धशतक बनाएकी रुविनाले ५२ बलमा नौ चौका र एक छक्काको मद्दतले ५९ रन बनाए । यस्तै, रोमा थापाले १८ तथा रश्मी चौलागाईंले ९ रनको योगदान गरिन् ।

यो जितसँगै क्याट क्विन्सले चार खेलमा छ अंकका साथ प्लेअफको यात्रा पक्का गरेको छ भने ललितपुर प्रतियोगिताबाट बाहिरिएको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्