बीसीसीआईकाे जिम्मेवारी सम्हालेलगत्तै गांगुली धाेनीबारे बाेले : च्याम्पियनले यति चाँडै खेल छाड्दैनन्

कात्तिक ६, २०७६ बुधबार १८:१३:२० | उज्यालो सहकर्मी

भारतीय क्रिकेट टिमका पूर्व कप्तान सौरभ गांगुली भारतीय क्रिकेट कन्ट्राेल बोर्ड (बीसीसीआई)को औपचारिक रुपमा अध्यक्ष भएका छन् ।

अध्यक्ष पदका लागि उनको मात्रै उम्मेदवारी परेपछि निर्विरोध निर्वाचित भएका थिए । गांगुलीले मुम्बईमा बीसीसीआईको नयाँ अध्यक्षको रुपमा पदभार ग्रहण गरेका हुन् । उनले अध्यक्षको कार्यभार सम्हाले गत्तै ३३ महिना पहिला भारतको सर्वोच्च अदालतले गठन गरेको प्रशासक समिति सीओए पनि भंग भएको छ ।

गांगुलीको कार्यकाल २०२० को जुलाई सम्म रहने छ । उनको टिममा गृह मन्त्री अमित शाहका छोरा जय शाह सचिव र वित्त राज्यमन्त्री अनुराग ठाकुरका भाइ अरुण धूमल कोषाध्यक्षको रुपमा छन् । साथै उत्तराखण्डका महिम वर्मा उपाध्यक्ष र केरलका जयेश जर्ज संयुक्त सचिव बनेका छन् ।

पद सम्हाल लगत्तै सञ्चारकर्मीसँग गांगुलीले पूर्व कप्तान महेन्द्रसिंह धोनीको विषयमा कुरा गरेका थिए । उनले भने, ‘च्याम्पियनले यति चाँडै खेल छाड्दैनन् । म हुँदासम्म सबैको सम्मान हुन्छ ।’ पूर्व कप्तान धोनी इंग्ल्याण्ड विश्वकपपछि टिममा छैनन् । धोनी डिसेम्बरमा टिममा फर्कने सम्भावना रहेको पनि भारतीय सञ्चारमाध्यमहरुले जनाएका छन् ।

कप्तान विराट कोहलीसँग भोलि छलफल हुने बताउँदै अध्यक्ष गांगुलीले कप्तानले चाहे अनुसार सहयोग गर्न आफू तयार रहेको पनि बताए ।

गांगुलीले धोनी महानमध्ये एक खेलाडी रहेको बताउँदै उनले पाउने सम्मान दिनु पर्नेमा जोड पनि दिए । लामो समयसम्म भारतीय टिमको सदस्य भएर धोनीले गरेको कामले भारतीय क्रिकेट सधैं गौरवान्वित भएको पनि बताए ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्