वुमन्स च्याम्पियन्स लिग क्रिकेट : उपाधिका लागि आज काठमाण्डाै र चितवनबीच प्रतिस्पर्धा

कात्तिक ७, २०७६ बिहीबार ८:२८:४० | उज्यालो सहकर्मी

वुमन्स च्याम्पियन्स लिग क्रिकेट प्रतियोगिताको उपाधिका लागि बिहीबार क्याट क्वीन्स काठमाण्डाै र चितवन राइनोज खेल्दै छन् । चितवन राइनोज अपराजित रहँदै शीर्ष स्थानमा रहँदै फाइनलमा पुगेको हो ।

काठमाण्डाै भने प्ले अफ खेलेर फाइनल पुग्न सफल भयो । समूह चरणका चार खेल नै जितेको चितवन राइनोजले फाइनलमा पनि त्यस्तै आत्मविश्वासका साथ खेल्ने जवाफ दिएको छ भने काठमाण्डाै पहिलो खेलमा चितवनसँग पराजय व्यहोरे पनि पछिल्ला चारमा उत्कृष्ट प्रदर्शन गरेकाले फाइनल खेल रोमाञ्चक हुने अपेक्षा गरिएको छ ।

नेपाली राष्ट्रिय महिला टिमकी पनि कप्तान रहेकी रुविना क्षेत्रीले सुुरुको खेलमा हारेकाले त्यसको गल्ति सच्याउँदै फाइनल खेल्ने बताइन् । एक खेलमा पराजित भए पनि पछिल्ला खेलमा गरेको प्रदर्शनका आधारमा राम्रोसँग खेल्ने तयारीमा रहेको बताउँदै अहिले टिमले कसरी बेस्ट क्रिकेट खेल्छ भन्ने कुरामा फोकस हुने पनि उनले बताइन् । प्ले अफको विराटनगरविरुद्धको खेलको उदाहरण दिँदै रुविनाले टिममा फाइटिङ स्प्रिट रहेको भन्दै ४४ रन बनाउँदासम्म विकेट लिन नसकेपनि ७० मा प्याक गर्नु भनेको एकदमै राम्रो प्रदर्शन भएको उल्लेख गरिन् ।

रुविनाले पत्रकार सम्मेलनमा प्रतियोगिता नेपालमै आयोजना हुन लागेको साग गेम्सको तयारीको रुपमा लिएको पनि बताइन् ।

समूह चरणका सबै खेल जित्दै शीर्ष स्थानमा रहँदै फाइनल पुगेकी टिमकी कप्तान इन्दू बर्माले टिम उपाधिका लागि तयार रहेको बताएकी थिइन् । सबै म्याच जितेर आएकाले पनि फाइनल पनि जित्नेमा ढुक्क रहेको उनको भनाइ थियो । फाइनल खेल बिहान साढे ११ बजेदेखि सुरु हुनेछ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्