वुमन्स च्याम्पियन्स लिग क्रिकेट : चितवनले दियो काठमाण्डाैलाई ११३ रनको लक्ष्य

कात्तिक ७, २०७६ बिहीबार १३:१२:५३ | उज्यालो सहकर्मी

वुमन्स च्याम्पियन्स लिग क्रिकेटको फाइनलमा चितवन राइनोजले क्याट क्वीन्स काठमाण्डाैलाई ११३ रनको लक्ष्य दिएको छ । त्रिवि क्रिकेट मैदान कीर्तिपुरमा चितवनले निर्धारित ओभरमा ४ विकेट गुमाएर ११२ रन बनाएको हो । टस हारेर पहिला ब्याटिङ गरेको चितवनले सुरुवात भने राम्रो गरेको थियो ।

पहिलो विकेटका लािग चितवनका काजल श्रेष्ठ र कन्चन श्रेष्ठले ४९ रनको साझेदारी गरेका थिए । ९.५ ओभरमा ४९ रन भएका बेला काज श्रेष्ठ २१ रन बनाएर आउट हुन पुगिन् । उनले २८ बलमा २ चौक्का प्रहार गरेकी थिइन् । त्यसपछि चितवनले ४९ रनमै दोस्रो विकेट खेर फालेको थियो ।

९.१ ओभरमा १९ रन बनाएर आउट भएकी थिइन् । उनले २६ बलमा ३ चौका प्रहार गरिन् । रितु कनौजीया र सुमन खतिवडाले चितवनको स्कोर अघि बढाएका थिए । २५ बल सामना गरेकी सुमनले २९ रन बनाउँदा ५ चौका प्रहार गरेकी थिइन् । ८४ रन हुँदा सुमन आउट हुन पुगेकी थिइन् ।

टिमको स्कोर बोर्डमा थप २ रन जोड्दा रितु कनौजीया रन आउट हुन पुगिन् । रितुले ६ रन बनाएकी थिइन् । कप्तान इन्दू बर्मा र प्यारी चौधरीले चितवनको स्कोर १०० रन कटाएका थिए । अन्तिम ओभरमा इन्दूले लगातार ३ चाैका प्रहार गर्दै रन बनाएकी थिइन् । इन्दू २२ रनमा नट आउट रहिन् । प्यारी ३ रनमा नट आउट रहिन् । काठमाडौंका लागि लक्ष्मी साउद, सरस्वती कुमारी र संगिता राईले एकएक विकेट लिए ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्