कतारी अमिर अल थानीसमक्ष नेपाली राजदूत डाक्टर भारद्वाजद्वारा ओहदाको प्रमाणपत्र प्रस्तुत

कात्तिक ११, २०७६ सोमबार १४:५९:० | रासस

काठमाण्डौ – कतारका लागि नवनियुक्त नेपाली राजदूत डाक्टर नारदनाथ भारद्वाजले कतार अधिराज्यका अमिर शेख तमिम बिन हमिद अल थानीसमक्ष आइतबार अपराह्न दोहास्थित अमिरी दिवानमा आयोजित विशेष समारोहमा आफ्नो ओहदाको प्रमाणपत्र प्रस्तुत गर्नुभयो ।

त्यसपछि भएको शिष्टाचार भेटमा राजदूत भारद्वाजले राष्ट्रपति विद्यादेवी भण्डारीका तर्फबाट अमिरको सुख, सुस्वास्थ्यको कामनाका साथै कतारका नागरिकको निरन्तर प्रगतिको कामना गर्नुभयो ।

गत वर्ष राष्ट्रपति भण्डारीबाट भएको कतार भ्रमणको स्मरण गर्दै राष्ट्रपति भण्डारीले कतारी अमिरलाई नेपालमा स्वागत गर्न आफू प्रतीक्षारत रहेको नेपाली राजदूतले अवगत गराउनुभयो ।

दोहास्थित नेपाली दूतावासका अनुसार भारद्वाजले नेपाल–कतार सम्बन्धलाई अझ सुदृढ तुल्याउन तथा पारस्परिक लाभका निम्ति द्विपक्षीय सहकार्यलाई प्रवर्द्धन गर्न आफू प्रतिबद्ध रहेको बताउनुभयो ।

कतारी अमिरले राजदूत भारद्वाजको कार्यकालको शुभकामना व्यक्त गर्दै दुई देशबीचको विद्यमान सम्बन्धलाई प्रगाढ बनाउने नेपाली राजदूतको प्रयासमा सक्दो सहयोग गर्ने आश्वासन दिनुभयो ।

उहाँले राष्ट्रपति भण्डारीको गत वर्षको कतार भ्रमण र गत साता टोकियोमा भएको भेटवार्ताको सन्दर्भ प्रस्तुत गर्दै कतार–नेपाल सम्बन्धलाई अझ बलियो बनाउन आफू प्रतिबद्ध रहेको बताउनुभयो ।

उहाँले कतारको विकासमा नेपालीबाट भएको योगदानको सराहना पनि गर्नुभएको थियो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्