इङ्ल्याण्डले न्युजिल्याण्डलाई सात विकेटले हरायो

कात्तिक १५, २०७६ शुक्रबार १३:३७:२८ | उज्यालो सहकर्मी

न्युजिल्याण्ड भ्रमणमा रहेको इङ्ल्याण्डले घरेलु टोली विरुद्धको पहिलो टी ट्वान्टी खेलमा सात विकेटको जित हात पारेको छ । इङल्याण्डको जितमा जेम्स भिन्सले अर्धशतकीय पारी खेले ।

क्राइस्टचर्चमा शुक्रबार बिहान भएको खेलमा टस हारेर ब्याटिङ गरेको न्युजिल्यान्डले २० ओभरमा पाँच विकेट गुमाएर एक सय ५३ रन बनाएको थियो । न्युजिल्यान्डले ९३ रनमा चार विकेट गुमाएको थियो ।

ओपनर मार्टिन गप्टिल दुई र कोलिन मुर्नो २१ रनमा पवेलियन फर्किए । कोलिन डि ग्रान्डहोम १९ र टिम सेइफर्ट ३२ रनमा आउट भए । तर छैटौँ विकेटका लागि रोज टेलर र मिचेलले ५६ रनको साझेदारी गर्दै पारीलाई अघि बढाए । टेलरले ३५ बलमा ४४ रन बनाउदा चिेल ४२ रनमा अविजित रहे । क्रिस जोर्डनले दुई, साम कुरान, आदिल रसिद र पेट ब्राउनले एक–एक विकेट लिए ।

जवाफमा इङल्याण्डले १८ ओभर तीन बलमा तीन विकेटको नोक्सानीमा लक्ष्य पूरा गर्‍यो । इङल्यान्डको सहज जितमा डविड मलानले एघार, जोनी ब्रेस्टोले ३५, जेम्स भिन्सले ५९ रनको योगदान दिए । आयोन मार्गान ३४ र साम विलिङसले १४ रनमा अविजित रहे ।

भिचले सान्टरनले तीन विकेट लिए । जितपछि इङल्याण्डले पाँच खेलको श्रीङ्ख्लामा एक शून्यको अग्रता लिएको छ । दोस्रो टी ट्वान्टी आइतबार विलिङटनमा हुनेछ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्