वैदेशिक प्रशिक्षणमा गएको महिला भलिबल टोली आज स्वदेश फर्कँदै

कात्तिक १८, २०७६ सोमबार ८:१३:३८ | उज्यालो सहकर्मी

वैदेशिक प्रशिक्षणमा गएको नेपाली महिला भलिबल टिम साेमबार स्वदेश फिर्ता हुने भएको छ ।

नेपाली टिम साँझ सात बजे त्रिभुवन अन्तर्राष्ट्रिय विमानस्थलमा आइपुग्ने प्रशिक्षक जगदीश भट्टले जानकारी दिए । आसन्न १३ औं दक्षिण एसियाली खेलकुद साग र बंगलादेशको ढाकामा हुन लागेको एभीसी सेन्ट्रल जोन वुमन्स सिनियर भलिबलको तयारीका लागि नेपाली टिम थाइल्याण्डको बैंकक गएको थियो ।

बैंकक बसाईका क्रममा नेपाली महिला टिमले सात वटा टिमसँग अभ्यास खेले खेलेको थियो । नेपाल चार खेलमा विजयी भयो भने तीन खेलमा पराजित भएको थियो ।

नेपाली टिम आउँदो बिहीबार एभीसी सेन्ट्रल जोन खेल्न बंगलादेश जाने छ । प्रतियोगिता शनिबारदेखि सुरु हुँदै छ । थाइल्याण्डमा पहिलो खेलमा युनिभर्सिटी टिमलाई ३–१ को सेटमा पराजित गरेको थियो ।

त्यसपछि दोस्रो खेलमा पनि नेपाली टिम विजयी भएको थियो । नेपाली टिमले दोस्रो खेलमा बैंकक युनिर्भसिटीलाई पनि ३–१ को सेटमा पाखा लगाएको थियो । तेस्रो खेलमा थाइल्याण्डको यू २३ सँग भिडेको नेपाली टिम उक्त खेलमा भने पराजित भएको थियो । यू–२३ सँग ३–० को सेटमा स्तब्ध बनेको थियो ।

चौथो खेलमा जापानको जुनियर टिमसँग प्रतिस्पर्धा गर्दा नेपाली टिम ३–१को सेटमा विजयी भएको थियो । पाँचौ खेलमा नेपाली टिम थाइल्याण्डको युथ टिमसँग ३–० को सेटमा स्तव्ध भएको थियो ।

छैटौँ खेलमा थाइल्याण्डको टिमसँग पनि नेपाल ३–० ले स्तब्ध भएको थियो । सातौं खेलमा नेपाली महिला टिमले किंग्स कलेजको टिमसँग खेलेको थियो । जसमा नेपाल ३–० को सेटमा विजयी भएको थियो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्