तेस्राे टी-२०: इंग्ल्याण्डलाई १४ रनले हराउँदै न्यूजिल्याण्डले लियाे दुई-एककाे अग्रता

कात्तिक १९, २०७६ मंगलबार १४:८:४६ | उज्यालो सहकर्मी

इंग्ल्याण्डविरुद्धको टी-२० शृंखलामा न्यूजिल्याण्डले २–१ को अग्रता बनाएको छ ।

पहिलो टी-२० जित्दै १–० को अग्रता बनाएको न्यूजिल्याण्ड दोस्रो टी-२०मा पराजित भएपछि इंग्ल्याण्डले सिरिज १–१ को बराबरीमा ल्याएको थियो । ५ वटा टी-२० अन्तर्गत मंगलबार भएको प्रतियोगितामा न्यूजिल्याण्ड १४ रनले विजयी भएपछि शृंखलामा अग्रता कायम गर्न सफल भएको हो ।

टस जितेर घरेलु टोली न्यूजिल्याण्डले निर्धारित ओभरमा ७ विकेट गुमाउँदै १८० रन बनाएको थियो । न्यूजिल्याण्डका लागि काेलिन डी ग्राण्डहोमले सर्वाधिक ५५, मार्टिन गप्टिलले ३३ तथा रस टेलरले २७ रनको योगदान गरे ।

बलिङतर्फ इंग्ल्याण्डका टम कर्रनले २ विकेट हात पारे ।

१८१ रनको लक्ष्य पछ्याएको इंग्ल्याण्ड निर्धारित ओभरमा ७ विकेट गुमाएर १६६ रनमा रोकिन पुग्यो ।

इंग्ल्याण्डका लागि डेभिड मलनले ५५ तथा जेम्स भिन्सले ४९ रन बनाए पनि हार टार्न भने सकेनन् ।बलिङतर्फ न्यूजिल्याण्डका टिकनर र लकी फर्गुसनले २–२ विकेट लिए ।

चौथो टी-२० आउँदाे शुक्रबार हुनेछ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्