रोड्रिगोको ह्याट्रिकमा रियल मड्रिडको फराकिलो जित

कात्तिक २१, २०७६ बिहीबार ६:४५:२७ | उज्यालो सहकर्मी

च्याम्पियन्स लिग फुटबल अन्तर्गत रियल मड्रिडले दोस्रो जित निकालेको छ । समूह एमा रहेका मड्रिड शीर्ष स्थाको पीएसजी भन्दा ५ अंकले पछाडि रहेको छ ।

बुधबार राति भएको खेलमा मड्रिडले गालातासारे माथि ६–० को फराकिलो जित निकालको हो । रियलको जितमा रोड्रिगोले ह्याट्रिक गर्दा करिम बेन्जिमाले २ तथा सर्जियो रामोसले एक गोल गरेका थिए ।

घरेलु मैदानमा मड्रिडले रोड्रिगोको गोल मार्फत खेल सुरु भएको चौथो मिनेटमै अग्रता बनाएको थियो । सातौं मिनेटमा रोड्रिगोले व्यक्तिगत तथा टिमका लागि दोस्रो गोल थपेका थिए ।

१४ औं मिनेटमा मड्रिडले पेनाल्टी पाएपछि गोल संख्या तीन पुगेको थियो । पेनाल्टीमा रामोसले गोल गरेका थिए । पहिलो हाफमै चार गोल खाएको गालातासारेले दोस्रो हाफमा अरु २ गोल ब्यहोरेको थियो । पहिलो हाफको अन्तिममा करिम बेन्जिमाले गोल गरेका थिए ।

८१ औं मिनेटमा बेन्जिमाले व्यक्तिगत दोस्रो तथा टिमका लागि पाँचौं गोल गरे भने रोड्रिगोले इन्जोरी समयमा गोल गर्दै ह्याट्रिक पूरा गरे ।

समूह ए अन्तर्ग नै बुधबार राति भएको अर्को खेलमा पीएसजीले अपराजित यात्रा कायमै राखेको छ । पीएसजलीले क्लब व्रुगीलाई १–० गोल अन्तरले पराजित गरेको हो । पीएसजीको जितमा इकार्डी रिभेरोले पहिलो हाफमा गरेको गोल नै निर्णायक बन्यो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्