तीन दिवसीय क्रिकेट: पहिलाे पारीमा एमसीसीविरुद्ध नेपाल दुई सय एघार रनले पछाडि

कात्तिक २१, २०७६ बिहीबार १९:३१:३९ | उज्यालो सहकर्मी

काठमाण्डाै - एमसीसीविरुद्धको तीन दिवसीय खेलको पहिलो इनिङ्समा नेपाल १ सय ५३ रनमा समेटिएको छ ।

कीर्तिपुरमा रहेकाे त्रिभुवन विश्वविद्यालयको मैदानमा बिहीबार भएको दोस्रो दिनको खेलमा नेपालले ४५ ओभरमा सबै विकेट गुमाएपछि एमसीसीले पहिलो इनिङमा १ सय ११ रनको अग्रता बनायो । लामो समयपछि तीन दिवसीय खेल खेलेको नेपालले फलोअनबाट बच्न चाहिने १ सय ७३ रन पनि बनाउन सकेन ।

पछिल्लो समय एक दिवसीय र ट्वान्टी–२० खेलमा अभ्यस्त नेपाली टोलीले तीन दिवसीयमा भने राम्रो प्रदर्शन सकेन । ३ सय ६४ रन पछ्याएको नेपालले सुरुआतमा नै विकेट गुमाउन पुगेको थियो । कप्तान ज्ञानेन्द्र मल्ल डकआउट हुँदै पेभेलियन फर्किँदा नेपालको इनिङ संकटमा परेको थियो ।

पाँच रन हुँदा नेपाली टिमका कप्तान ज्ञानेन्द्र आउट भएपछि क्रिजमा आएका शरद भेषवाकर पनि चार रनमा पेभेलियन फर्किएपछि नेपालले सात रनमा दुई विकेट गुमाएको थियो । त्यसपछि १६ रन हुँदा नेपालले तेस्रो विकेटको रुपमा राजु रिजाललाई गुमाउन पुग्यो । राजु ८ रनमा आउट भए । त्यसपछि आरिफ शेख र दिपेन्द्रसिंंह ऐरीले नेपालको पारीलाई बचाउने प्रयास गरे पनि उपकप्तानको ब्याटिङ चल्न सकेन ।

उनी १ रनमा आउट भए भने उनलाई साथ दिएका आरिफ शेख १० रनमा आउट भए । यतिञ्जेलमा नेपालले ३४ रनमा पाँच विकेट गुमाइसकेकाे थियाे । छैटाैँ विकेटका लागि विनोद भण्डारी र सोमपाल कामीले अर्धशतकीय साझेदारी गरे ।

विनोद ३६ रनमा आउट हुँदा नेपालले १ सय ६ रनमा छैटौँ विकेट गुमायो । त्यसपछि पनि नेपालले करण केसी र पवन सर्राफलाई सस्तैमा गुमायो । सोमपाल कामी पनि रनमा २६ रनमा आउट भएपछि नेपालले १ सय ११ रनमा नौ विकेट गुमायो । अन्तिममा सन्दीपले अविजित ३९ रन बनाउँदै नेपालका लागि उच्च स्कोरर बने ।

यससँगै नेपाल एमसीसीसँग पहिलो इनिङ्समा २ सय ११ रनले पछि परेको छ । नेपाल फलो अनमा समेत परेको छ तर एमसीसीले नेपाललाई फलो अन नदिने भएको छ ।

दोस्रो दिनको खेलमा नेपाल अल आउट भएपछि एमसीसीले दोस्रो इनिङ सुरु गरेको छ । दोस्रो दिनको दोस्रो इनिङ्समा एमसीसीले २ विकेटको क्षतिमा ९१ रन जोड्दै ३ सय २ रनले अगाडि छ । एमसीसीले तेस्रो दिन शुक्रबार फेरि ब्याटिङ गर्नेछ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्