म्यानचेस्टर युनाइटेड युरोपा लिगको नकआउट चरणमा

कात्तिक २२, २०७६ शुक्रबार ७:१४:४ | उज्यालो सहकर्मी

इंग्लिस क्लब म्यानचेस्टर युनाइटेड युरोपा लिगको नकआउट चरणमा प्रवेश गरेको छ । सर्वियाको पार्टिजानलाई ३–० ले हराउँदै युनाइटेडले अन्तिम ३२ मा स्थान बनाएको हो ।

वर्ल्ड ट्राफोर्डमा भएको खेलमा युनाइटेडलाई जित दिलाउनका लागि म्यासन ग्रिनउड, एन्थोनी मार्सियल र मार्कस रासफोर्डले एक–एक गोल गरे ।

खेलको २१औ मिनेटमा ग्रिनउडले गोल गर्दै युनाइटेडलाई अग्रता दिलाएका थिए । ३३औं मिनेटमा ग्रिनउडको पासमा मार्सियलले गोल गर्दै युनाइटेडलाई २–० को अग्रता दिलाए ।

पहिलो हाफमा दुई गोलको अग्रता लिएको युनाइटेडले दोस्रो हाफको चौथो मिनेटमा तेस्रो गोल गर्‍यो । यस पटक रासफोर्डले गोल गरेका थिए ।

यो जितका कारण समूह एलबाट युनाइटेड दुई खेल अगावै नकआउट चरणमा पुगेको छ ।

यो समूहमा नेदरल्याण्डको एजेडले नकआउट चरणको बाटो सहज बनाएको छ । चौथो खेलमा एजेडले काजकिस्तानको अस्तानालाई ५–० ले हरायो ।

युनाइटेडले चार खेलबाट १० अंक बनाएको छ भने एजेडले आठ अंक जोडेको छ ।

उल्भरह्याम्टन नकआउट चरण नजिक

स्लोभाकियाको स्लोभान ब्राटिस्लाभालाई १–० ले हराउँदै इंग्लिस क्लब उल्भरह्याम्टन पनि नकआउट चरण नजिक पुगेको छ ।

राउल जिमिनेजको इन्ज्युरी समयको गोल निर्णायक बन्दा उल्भ्सले स्लोभानलाई १–० ले हरायो । त्यसअघि ५१औं मिनेटमा पाएको पेनाल्टीलाई उल्भ्सका रुबेन नेभेसले खेर फालेका थिए ।

समूह केमा उल्भ्सले नौ अंक बनाएको छ । यस समूहमा पोर्चुगलको स्पोर्टिङ ब्रागा शीर्ष स्थानमा छ । टर्कीको बेसिक्टासलाई ३–१ ले हराउँदै ब्रागा १० अंक बनाएर शीर्ष स्थानमा उक्लिएको हो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्