तीन दिवसीय क्रिकेट: एमसीसीसँग नेपाल २०८ रनले पराजित

कात्तिक २२, २०७६ शुक्रबार १६:२६:२२ | उज्यालो सहकर्मी

काठमाण्डाै - एमसीसीविरुद्धको तीन दिवसीय खेलमा नेपालले २०८ रनको हार ब्यहोरेको छ ।

पहिलो इनिङमा पनि खराब ब्याटिङका कारण थाेरै रनमा अलआउट भएको नेपालले दोस्रो पारीमा पनि खराब ब्याटिङ गर्यो । जसका कारण नेपाल एक सय ८४ रनमा अलआउट भयो ।

नेपालका लागि सोमपाल कामीले सर्वाधिक ५१ रन बनाए भने राजु रिजालले ३१ र सन्दीप लामिछानेले २५ रन बनाए ।

कीर्तिपुर क्रिकेट मैदानमा नेपालले सुरुवात राम्रो गर्न सकेन । नेपालको स्कोर २४ रन हुँदा कप्तान ज्ञानेन्द्र मल्ल व्यक्तिगत ६ रनमा आउट भए । त्यसपछि राजु रिजाल पनि व्यक्तिगत ३१ रनमा पेभेलियन फर्किएपछि नेपालले ५२ रनमा दोस्रो विकेट गुमायो ।

लगत्तै शरद भेषावकर १५ रनमा आउट भएपछि क्रिजमा गएका दिपेन्द्रसिंंह ऐरी खाता खोल्न नपाउँदै आउट भए । जसका कारण नेपालले ६९ रनमा चौथो विकेट खेर फाल्यो ।

नेपालको विकेट झर्ने क्रम यतिमा रोकिएन । पहिलो पारीमा राम्रो प्रदर्शन गरेका विनोद भण्डारी पनि खाता खोल्न नपाउँदै आउट भएपछि नेपालले ७० रनमा ५ विकेट खेर फाल्यो । लगत्तै आरिफ शेख १८ रनमा आउट भएपछि ७८ रनमा नेपालकाे छैटाैँ विकेट गुम्याे । त्यसको लगत्तै पवन सर्राफ पनि डकआउट भएपछि नेपालले साताैँ विकेट खेर फाल्यो ।

करण केसी १८ रनमा पेभेलियन फर्किँदा नेपालले एक सय २४ रनमा ८ विकेट गुमायो । त्यसपछि सन्दीप लामिछाने २५ रनमा आउट भए । त्यतिन्जेलमा नेपालले १७४ रनमा ९ विकेट गुमायो भने नेपाल एक सय ८४ रनमा अलआउट भयो ।

नेपालका लागि सोमपाल कामीले ५१ रनको अर्धशतकीय पारी खेले ।

एमसीसीले पहिलो पारीमा तीन सय ६४ रन बनाएको थियो । जवाफमा नेपाल एक सय ५३ रनमा अलआउट भएको थियो । त्यसपछि एमसीसीले दोस्रो पारीमा थप एक सय ८१ रन बनाएर पारीको घोषणा गरेपछि नेपालले तीन सय ९३ रनको विशाल लक्ष्य पाएको थियो । तर नेपाल दुवै पारीमा असफल रह्याे ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्