काठमाण्डौमा दक्षिण एसिया ओलम्पिक काउन्सिलको बैठक: साग ताेकिएकै समयमा हुने

कात्तिक २३, २०७६ शनिबार १३:५३:१९ | उज्यालो सहकर्मी

भद्रगोल पूर्वाधारकाबीच दक्षिण एसियाली खेलकुद नेपालमा तोकिएकै समय अर्थात डिसेम्बर १ देखि १० तारिखसम्म हुने भएको छ ।

काठमाण्डौमा शनिबार सम्पन्न दक्षिण एसिया ओलम्पिक काउन्सिलको बैठकले प्रतियोगिता नेपालमै आयोजना हुने तय गरेको हो । बैठकमा सहभागी राष्ट्रका प्रतिनिधिहरुले पनि दक्षिण एसियाली खेलकुद आयोजना गर्न जोड दिएका थिए ।

बैठकमा उपस्थित काउन्सिलका सदस्यहरुले आज सातदोबाटोमा रहेकाे खेलकुद परिसरको निरीक्षण गरेर पोखराका पूर्वाधारहरु निरीक्षणका लागि त्यसतर्फ जाने बुझिएको छ ।

प्रतियोगिताको उद्घाटन र समापन गर्ने प्रमुख स्थल दशरथ रंगशालाको भीआईपीतर्फको प्यारापिट बन्न बाँकी छ भने पोखरा रंगशालाको काम अघि बढ्न सकेको छैन ।

यो संस्करणमा सहभागी देशहरुबाट उल्लेख्य सहभागिता भने नहुने भएको छ । नेपाललेमात्र सबै खेलमा सहभागिता जनाउने भएको छ । २७ खेलमध्ये बंगलादेश र श्रीलंकाले २५–२५ खेलमा सहभागिता जनाउनेछन् ।

सागमा सबैभन्दा कम खेलमा सहभागिता जनाउने देशमा माल्दिभ्स रहेको छ । उसले ११ खेलमा मात्र भाग लिने भएको छ । यस्तै भारतले १७, पाकिस्तानले १८, भुटानले १४ खेलमा भाग लिने भएका छन् ।

आयोजक नेपालबाट ६ सय ४८ खेलाडी सहभागी हुनेछन् ।

त्यस्तै, श्रीलंकाबाट ६ सय २२, बंगलादेशबाट ५ सय ९१, भुटानबाट १ सय ४२, भारतबाट ४ सय ६१, माल्दिभ्सबाट ३ सय ३२, पाकिस्तानबाट ४ सय १३ जना खेलाडी सहभागी हुने राष्ट्रिय खेलकुद परिषद् राखेपले जनाएको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्