डोमिनिक थिम एटीपी फाइनल्स टेनिसको सेमिफाइनलमा

कात्तिक २७, २०७६ बुधबार ६:३९:१० | उज्यालो सहकर्मी

अष्ट्रियन खेलाडी डोमिनिक थिम एटीपी फाइनल्स टेनिसको सेमिफाइनलमा प्रवेश गरेका छन् ।

दोस्रो वरीयताका नोभाक जोकोभिचलाई २–१ को सेटमा स्तब्ध बनाउँदै थिम फाइनल्समा स्थान बनाउने पहिलो खेलाडी बने ।

पहिलो खेलमा रोजर फेडेररलाई हराएका थिमले जोकोभिचविरुद्धको खेलमा उत्कृष्ट कमब्याक गरेका थिए ।

पहिलो सेट ६–७ (५–७) ले गुमाएका थिमले दोस्रो सेटमा जोकोभिचविरुद्ध ६–३ को सहज जित निकाले । प्रतिस्पर्धात्मक तेस्रो सेटमा ७–६(७–५) ले विजयी भएपछि डोमिनिक थिमले अन्तिम चारको यात्रा पक्का पारे ।

थिमले यसअघि इटालियन खेलाडी माटेओ बेरेटिनी र रोजर फेडेररलाई हराएका थिए । यसअघि बेरेटिनीलाई हराएका फेडेरर र जोकोभिच दुवैको सेमिफाइनल पुग्ने सम्भावना अन्तिम लिग खेलले निर्धारण गर्नेछ ।

सेमिफाइनलमा पुग्नका लागि जोकोभिच र फेडेररबीच प्रतिस्पर्धा हुनेछ । जुन खेलको विजेता यस समूहबाट सेमिफाइनलमा पुग्ने अर्को टिम बन्नेछ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्