यू १९ च्यालेञ्जर्स : नेपालको लगातार दोस्रो पराजय

कात्तिक २८, २०७६ बिहीबार ६:५४:२ | उज्यालो सहकर्मी

भारतमा भइरहेको अण्डर नाइन्टिन च्यालेञ्जर्स क्रिकेट प्रतियोगितामा नेपालले लगातार दोस्रो पराजय भोगेको छ । भारत ए टिमसँगको खेलमा नेपाल १०७ रनले पराजित भयो । यो पराजयसँगै नेपालको फाइनल पुग्ने सम्भावना न्यून बनेको छ ।

बेंग्लोरको राजिव गान्धी स्टेडियममा भारत ए टिमले दिएको २ सय ४८ रनको लक्ष्य पछ्याएको नेपाल ५० ओभरमा ९ विकेट गुमाउँदै १ सय ४० रनमा सीमित भयो । नेपालको इनिङमा विशाल विक्रम केसीले अर्धशतकीय योगदान दिँदा अन्यको प्रदर्शन बिर्सन लायक रह्यो ।

ब्याटिङ लाइनका अन्य खेलाडीहरु सस्तैमा आउट हुँदा यू–१६ टिमका कप्तान विशालले संयमित ब्याटिङ गरे । एक विकेट गएपछि क्रिजमा आएका विशालले ११ चौका प्रहार गर्दै ६९ रनको योगदान दिए । शेर मल्लले २१ रन र आकाश चन्दले १९ रन बनाउँदा अन्य कसैले दोहोरो अंकको रन बनाउन सकेनन् ।

नेपालका कप्तान रित गौतमले ५ रन बनाए । तीन खेलाडीले खाता नै खोल्न सकेनन् । हरिबहादुर चौहान, कुसल मल्ल र लोकेश बम शून्य रन मै आउट भए । त्यस्तै अरुण एैरी ७ तथा खडक बोहराले ३ रन मात्र जोड्न सफल भए ।

नेपाललाई हराउनका लागि भारत ए टिमका नितिस कुमार रेड्डी र समिर रिज्भीले दुई–दुई विकेट लिए भने दशरथ कुमार, कल्यान हाल्दर, कृतज्ञ कुमार सिंह र याशस्भी जैसवालले एक–एक विकेट लिए ।

यसअघि टस हारेर ब्याटिङको निम्तो पाएको भारत एले ४८ ओभर दुई बलमा सबै विकेट गुमाउँदै एक सय ४७ रन बनाएको थियो । भारतका लागि ध्रुव चन्द्र जुरेलले ७४ रनको अर्धशतकीय इनिङ्स खेले ।

यस्तै साई भारद्वाज सुदर्शनले ३४, यशस्वी जैशवालले ३३, नितिस कुमार रेड्डीले ३० रन जोडे ।

बलिङतर्फ शेर मल्लले तीन विकेट लिए भने आकाश चन्दले दुई विकेट हात पारे । प्रतिश जिसी र हरिबहादुर चौहानले पनि एक–एक विकेट लिए ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्