नाडालको एटीपी फाइनल्स आशा कायमै

कात्तिक २८, २०७६ बिहीबार ९:१८:२८ | उज्यालो सहकर्मी

शीर्ष वरीयताका राफेल नाडालले एटीपी फाइनल्सको समूह चरणको दोस्रो खेलमा जित निकालेका छन् ।

पहिलो खेलमा जर्मन खेलाडी अलेसान्दर भेरेभसँग २–० को सोझो सेटमा पराजित भएका नाडलले रसियन खेलाडी डेनियर मेद्भेदेभलाई २–१ को सेटमा हराए ।

लण्डनको सेन्टर कोर्टमा भएको खेलमा नाडलले एक सेटले खेल गुमाएको अवस्थामा पछिल्ला दुई सेटमा कमब्याक गरेका थिए । पहिलो सेट ६–७(३–७) ले गुमाएका नाडालले दोस्रो सेटमा ६–३ को सहज जित निकाले । निर्णायक सेटमा नाडलले उत्कृष्ट कमब्याक गरेका थिए ।

५–१ ले पछि रहेको अवस्थामा नाडलले खेल ७–६ ले आफ्नो पक्षमा पारे ।

सेमिफाइनलमा स्थान बनाउनका लागि नाडालले समूह चरणको अन्तिम खेलमा स्टेफानोस सिट्सिपासलाई हराउनु पर्नेछ ।

सिट्सिपास यसअघिका दुवै खेलमा जित हात पार्दै सेमिफाइनलमा स्थान बनाइसकेका छन् ।

समूहको दोस्रो खेलमा ग्रिक खेलाडी सिट्सिपासले डिफेन्डिङ च्याम्पियन अलेक्सान्दर भेरेभलाई ६–३ र ६–२ को सहज सोझो सेटमा हराए ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्