अब नेपालमै मेसिनबाट मानसिक रोगको उपचार !

कात्तिक २९, २०७६ शुक्रबार १६:४२:२३ | विना न्याैपाने

काठमाण्डौ – नेपालमा पनि रिपिटिटिभ ट्रान्सक्रेनियल म्याग्नेटिक स्टिमुलेसन मेसिन (आरटीएमएस) बाट मानसिक रोगको उपचार सुरु भएको छ ।

मेसिनमार्फत दिमागमा चुम्बकीय किरण पठाएर उपचार गरिने यो प्रविधि रिदम न्यूरो साइक्याट्रिक अस्पतालले भित्राएको हो । १० महिनाअघि ल्याइएको मेसिनबाट अहिलेसम्म १५ जनाभन्दा धेरै बिरामीले उपचार गराएका अस्पतालका मानसिक रोग विशेषज्ञ डाक्टर रितेश थापाले जानकारी दिनुभयो ।

मानसिक रोगको सामान्य अवस्थामा मनोपरामर्शबाट उपचार गरिन्छ भने समस्या बढ्दै गएपछि औषधि खानुपर्छ । लामो समय औषधि खाँदा समेत ठिक नहुने मानसिक समस्या भएकाहरुको लागि आरटीएमएसबाट दिमागमा चुम्बकीय किरण पठाएर उपचार गर्ने पद्दति प्रभावकारी हुने डाक्टर थापाले बताउनुभयो ।

सन् १९८० मै प्रयोगमा ल्याइएको यो मेसिनमा नेपालमा भने पहिलोपटक प्रयोगमा ल्याइएको हो । यो प्रविधि मानसिक रोग बाहेक पार्किन्सन्स, नशासम्बन्धी रोगमा पनि प्रयोग गर्न सकिन्छ ।

नेपालमा मेसिन ल्याउनुअघि भारतलगायतका देशमा गएर महँगो शुल्क तिर्नुपर्ने बाध्यता थियो । अहिले नेपालमै मेसिन भित्राएकाले समय र पैसाको बचत हुने पनि डाक्टर थापाले बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विना न्याैपाने

विना न्याैपाने उज्यालाेमा कार्यरत हुनुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्