एसीसी इमर्जिङ टिम्स एसिया कप: नेपालद्वारा हङकङ ४० रनले पराजित

कात्तिक ३०, २०७६ शनिबार १७:३७:४३ | उज्यालो सहकर्मी

एसीसी इमर्जिङ टिम्स एसिया कप क्रिकेटमा नेपालले पहिलो जित हात पारेको छ । पहिलो खेलमा भारतको यू-२३ सँग पराजित भएको नेपालले आज हङकङलाई पराजित गरेको हो ।

बंगलादेशमा जारी प्रतियोगिता अन्तर्गत नेपालले शनिबार हङकङलाई ४० रनले पराजित गरेको छ ।

नेपालले दिएको २१८ रनको लक्ष्य पछ्याएको हङकङ १७७ रनमा अल आउट भयो । नेपालको जितमा करण केसी र अविनास बोहोराले तीन-तीन विकेट लिँदा सुशन भारीले २ विकेट हात पारे ।

हङकङकालागि किन्चित साहले ५३ तथा हारोन अर्सदले २६ रन बनाए ।

टस जितेर पहिले ब्याटिङ गरेको नेपालले ५० ओभरमा दुई सय १७ रन बनायो । नेपालका लागि अनुभवी खेलाडी शरद भेषवाकरले उत्कृष्ट पारी खेले । जसमा उनले १ सय ३९ बलमा नौ चौका प्रहार गर्दै ८९ रन बनाए ।

खराब सुरुवात गरेको नेपालले खाता खोल्न नपाउँदै पहिलो विकेट गुमायो । कप्तान ज्ञानेन्द्र मल्ल शुन्य रनमा नै पेभेलियन फर्किए । त्यसको लगत्तै कुशल भुर्तेलपनि एक रनमा आउट भएपछि नेपालले तीन रनमा दोस्रो विकेट गुमायो । त्यसपछि शरद भेषावकर र दिपेन्द्रसिंह ऐरीबीच दोस्रो विकेटका लागि ८३ रनको साझेदारी भएको थियो ।

जसमा ऐरी ३७ रनमा आउट हुँदा नेपालको स्कोर ८६ रन थियो । त्यसपछि शरद र आरिफ शेखबीच पनि अर्को अर्धशतकीय साझेदारी भएको थियो । आरिफ ४२ रनमा आउट हुँदा नेपालले एक सय ६० रनमा चार विकेट खेर फाल्यो ।

तर त्यसपछि भने नेपालका खेलाडीबीच राम्रो साझेदारी हुन सकेन । अधिल्लो खेलमा अर्धशतक बनाएका पवन सर्राफले खाता खोल्न सकेनन् भने विनोद भण्डारी १५, करण केसी ७ तथा सुसन भारी ६ रनमा आउट भए ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्