जर्मनी र नेदरल्याण्ड्स युरो कपमा स्थान बनाउन सफल

मंसिर १, २०७६ आइतबार ७:२०:३७ | उज्यालो सहकर्मी

अर्को वर्ष हुने युरो कपका लागि जर्मनीले आफ्नो स्थान सुरक्षित गरेको छ । टोनी क्रुजले दुई गोल गर्दा जर्मनीले बेलारुसलाई ४–० ले हराउँदै जर्मनी समूह सीको शीर्ष स्थानमा उक्लिएको छ ।

मोन्चेनग्लाडबाकमा मैदानमा भएको खेलमा माथियास जिन्टरले ४१औँ मिनेटमा गोल गर्दै जर्मनीलाई हाफटाइम अघि एक गोलको अग्रता दिलाएका थिए ।

दोस्रो हाफ सुरु भएको चौथो मिनेटमा लियोन गोरेज्काले गोल गरेपछि जर्मनीले अग्रता दोब्बर बनायो ।

५५औँ मिनेटमा टोनी क्रुजले गोल गर्दै जर्मनीको अग्रता ३–० मा लम्ब्याए । ८३औँ मिनेटमा टोनी क्रुजले ब्यक्तिगत दोस्रो गोल गरे । इल्के गुन्डोगानले पेनाल्टी एरियामा पास दिएपछि क्रुजले दुई जना डिफेन्डरलाई छलाएर गोल गरेका थिए ।

जितसँगै जर्मनी समूह सीको शीर्ष स्थानमा उक्लिँदै अर्को वर्ष हुने प्रतियोगितामा स्थान बनाउन सफल भएको छ ।

यो समूहबाट नेदरल्याण्ड्स पनि छनोट भएको छ ।

उत्तर आयरल्याण्डलाई गोलरहित बराबरीमा रोक्दै नेदरल्याण्ड्सले सन् २०१४ पछि पहिलो मुख्य प्रतियोगिता खेल्ने अवसर पाउने भएको हो । जर्मनीभन्दा नेदरल्याण्ड्स दुई अंकले पछि छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्