टोटनह्यामका प्रशिक्षक माउरिसियो पोचेटिन्हो बर्खास्त

मंसिर ४, २०७६ बुधबार ६:५३:२९ | उज्यालो सहकर्मी

इंग्लिस क्लब टोटनह्यामले प्रशिक्षक माउरिसियो पोचेटिन्होलाई बर्खास्त गरेको छ । प्रिमियर लिगमा पछिल्लो समय टोटनह्यामले खराब प्रदर्शन गरेपछि क्लबले यो निर्णय लिएको हो ।

उनको स्थानमा टोटनह्यामले जोसे मोरिन्होलाई ल्याउने तयारी गरेको छ ।

प्रिमियर लिगको १२औँ चरण सकिँदा टोटनह्याम १४ अंक सहित १४औं स्थानमा छ । उसले गएको जनवरीदेखि अवे मैदानमा जित निकाल्न सकेको छैन । उसले तीन जित, पाँच बराबरी र चार हारको नतिजा निकालेको छ ।

टोटनह्यामले विज्ञप्ति जारी गर्दै बोर्डको गम्भीर छलफलपछि यो निर्णय लिएको क्बलका अध्यक्ष डेनियल लेभीले बताएका छन् ।

सन् २०१४ को मेमा क्लबमा आबद्ध भएपछि पोचेटिन्होले गएको सिजन टोटनह्यामलाई च्याम्पियन्स लिगको फाइनलसम्म पुर्‍याएका थिए । लिभरपुलसँग पराजित हुँदै टोटनह्याम उपविजेतामा सीमित बनेको थियो ।

पोचेटिन्होलाई बर्खास्त गरेपछि सहायक प्रशिक्षक जेसस पेरेज, मिगेग डि अगस्टिनो र एन्टोनी जिमिनेजले पनि क्लब छोडेका छन् ।

यो सिजनको लिग कपमा टोटनह्याम तेस्रो डिभिजनको कोलकास्टरसँग पराजित भयो भने च्याम्पियन्स लिगको समूह चरणमा पनि बायर्न म्युनिखसँग आफ्नै मैदानमा ७–२ को पराजय भोग्न बाध्य भयो ।

टोटनह्याममा पोचेटिन्होको योगदान

साउथह्याम्टनलाई प्रिमियर लिगमा सबैभन्दा राम्रो स्थानमा ल्याउन सफल भएपछि सन् २०१४ मे २८ मा पोचेटिन्हो टोटनह्याममा आवद्ध भएका थिए ।

पहिलो सिजनमा टोटनह्यामलाई पाँचाैँ स्थान दिलाएका पोचेटिन्होले दोस्रो सिजन तेस्रो स्थान दिलाए ।

उनी इंग्ल्याण्डमा पेप ग्वार्दिओलालाई इंग्ल्याण्डमा हराउने पहिलो प्रशिक्षक बने । सन् २०१६ को अक्टोबरमा टोटनह्यामले सिटीलाई २–० ले हराएको थियो ।

सन् २०१७–१८ को सिजनमा टोटनह्यामलाई प्रिक्वार्टर फाइनलसम्म पुर्‍याएपछि पोचेटिन्होले उनको सम्झौता पाँच वर्ष थपेको थियो ।

गएको सिजनको च्याम्पियन्स लिगमा टोटनह्यामलाई पहिलो पटक फाइनलसम्म पुर्‍याए । त्यसक्रममा आयाक्सविरुद्ध टोटनह्याले उत्कृष्ट कमब्याक गरेको थियो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्