वेल्स युरो कप फुटबलमा छनोट

मंसिर ४, २०७६ बुधबार ९:१३:४८ | उज्यालो सहकर्मी

हंगेरीलाई २–० ले हराउँदै वेल्स अर्को वर्ष हुने युरोपियन च्याम्पियनसिपमा छनोट हुन सफल भएको छ ।

छनोट हुनका लागि जित्नै पर्ने दबाबकाबीच घरेलु मैदानमा भएको खेलमा वेल्सलाई जित दिलाउनका लागि आरोन राम्से नायक बने । युरो छनोट प्रतियोगितामा पहिलो पटक प्लेइङ सेटमा परेका राम्सेले पहिलो हाफमै वेल्सलाई अग्रता दिलाउन सफल भए ।

कार्डिफ सिटी स्टेडियममा ग्यारेथ बेलले १५औं मिनेटमा दिएको क्रसलाई राम्सेले हेडर गोल गरेका थिए ।

त्यसपछि पनि वेल्सले हंगेरीमाथि दबाब दिएको थियो । त्यसक्रममा हंगेरीका गोलकिपरले दुईवटा उत्कृष्ट बचाउ गरेका थिए ।

दोस्रो हाफको दोस्रो मिनेटमा राम्सेले दोस्रो गोल गरे । उनले पेनाल्टी एरियाबाट उत्कृष्ट फिनिस गरेका थिए ।

खेलमा ग्यारेथ बेलको उत्कृष्ट फ्रिकक गोलमा परिणत हुन सकेन भने राम्सेले पनि ह्याट्रिक गर्ने मौका पाएका थिए । जसलाई हंगरीका गोलकिपरले बचाउ गरे ।

अर्को वर्ष हुने युरो कपका लागि पहिलो चरणको छनोट सकिएको छ । छनोट चरणका दश समूहबाट विजेता र उपविजेता छनोट भएका हुन् ।

युरो कपमा २४ टिमले सहभागिता जनाउँदैछन् । २० टिम छनोट हुँदा चार स्थान बाँकी छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्