१३ औँ साग : भलिबलतर्फको खेल तालिका सार्वजनिक, महिला भलिबल टिम स्वर्ण पदकको दाबेदार

मंसिर ४, २०७६ बुधबार १८:३४:२३ | उज्यालो सहकर्मी

काठमाण्डौ – १३ औँ दक्षिण एसियाली खेलकुदमा भलिबलतर्फको खेल तालिका सार्वजनिक भएको छ ।

आउँदो मंसिर १५ गते औपचारिकरुपमा उद्घाटन हुने भए पनि सागअन्तर्गत भलिबल भने ११ गते बुधबारदेखि नै सुरु हुने छ । भलिबलमा नेपालसहित भारत, पाकिस्तान, श्रीलंका, माल्दिभ्स र बंगलादेशले प्रतिस्पर्धा गर्नेछन् । भुटानमा टिम नै नरहेकाले साग को भलिबलमा सहभागिता जनाउने छैन ।

बुधबार उद्घाटन हुने भलिबल प्रतियोगितामा नेपालको महिला र पुरुष दुवै टिम समूह ‘ए’ मा रहेका छन् । बुधबार सार्वजनिक गरिएको खेल तालिकाअनुसार महिला र पुरुष दुवै टिममा नेपालले भारत र बंगलादेशसँग खेल्ने छ ।

पुरुष भलिबल अन्तर्गत उद्घाटन खेलमा नेपाल र बंगलादेश खेल्नेछन् । यसैगरी दोस्रो खेलमा नेपालले भारतसँग प्रतिस्पर्धा गर्नेछ ।

महिला भलिबलतर्फ भने नेपालले पहिलो खेलमा भारतसँग खेल्नेछ । महिलातर्फको उद्घाटन खेलमा भारत र बंगलादेशले प्रतिस्पर्धा गर्नेछन् । नेपालले बिहीबार भारतसँग खेल्ने छ भने शुक्रबार बंगलादेशसँग खेल्ने छ ।

सागमा महिला भलिबल टिमलाई स्वर्ण पदकको दाबेदारको रुपमा हेरिएको छ । त्यसका लागि नियमित वैदेशिक प्रशिक्षण गरेको नेपाली टिम भर्खरै बंगलादेशमा भएको एभीसी सेन्ट्रल जोनमा स्वर्ण पदक जित्दै उच्च मनोबलका साथ अहिले काठमाण्डौमा नियमित प्रशिक्षण गरिरहेको छ ।

नेपाली टिमका मुख्य प्रशिक्षक जगदीश भट्टले प्रशिक्षण राम्रो भएको र घरेलु मैदानमा हुन लागेको सागको स्वर्ण पदक जित्ने लक्ष्य रहेको बताए । नेपाली महिला भबिलल टिमले अरुणा शाही र पुरुषतर्फ इम रानामगरको कप्तानीमा खेल्दै छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्