टी १० लिग क्रिकेटमा सन्दीप आवद्ध टिम पराजित

मंसिर ६, २०७६ शुक्रबार ६:५२:२४ | उज्यालो सहकर्मी

यूएईमा भइरहेको टी १० लिग क्रिकेट सन्दीप लामिछाने आवद्ध कर्नाटका टसकर्स ३२ रनले पराजित भएको छ ।

क्वालन्दर्सले दिएको १३१ रनको लक्ष्य पाएको कर्नाटका निर्धारित ओभरमा ९ विकेट गुमाएर ९८ रन मात्रै जोड्न सक्यो । नेपालका सन्दीप लामिछानले पहिलो पटक टी १० मा ब्याटिङ गर्ने मौका पनि पाएका छन् ।

सन्दीपले ७ बल सामना गर्दा ५ रन बनाएर आउट भएका थिए । बलिङतर्फ उनले आफ्नो स्पेलमा ३० रन खर्चिएर २ विकेट लिए । कर्नाटकाका लागि रेन टेन डोट्सले सर्वाधिक २५ रन बनाउँदा जोनशन चार्लेसले २४ रनको योगदान दिएका थिए ।

कर्नाटकालाई रोक्ने क्रममा सुल्तान अहमद र जर्ज ग्राटोनले दुई दुई विकेट लिए ।

टस जितेर पहिला ब्याटिङ गरेको क्वालन्दर्सले निर्धारित ओभरमा ७ विकेट गुमाएर १३० रन बनाएको थियो । क्वालन्दर्सका लागि टम बेनटनले सर्वाधिक ८० रन बनाउँदा लरी इवान्सले १७ रनको योगदान गरे ।

कर्नाटकाका सन्दीपसँगै अहमद रजाले दुई दुई विकेट लिए ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्