टी-१० लिग: कलन्दर्सलाई हराउँदै मराठा अरेबियन्स फाइनलमा

मंसिर ७, २०७६ शनिबार २०:३३:३७ | उज्यालो सहकर्मी

यूएईमा जारी टी-१० लिग क्रिकेटमा मराठा अरेबियन्स फाइनलमा प्रवेश गरेको छ ।

शनिबार भएको पहिलो क्वालिफायरमा कलन्दर्सलाई ७ रनले पराजित गर्दै मराठाले फाइनलमा स्थान सुरक्षित गरेको हो । अब कलन्दर्सले दोस्रो क्वालिफायरको विजेतासँग फाइनल प्रवेशका लागि खेल्नेछ ।

दोस्रो क्वालिफायरमा बांग्ला टाइगर्स र डेक्कन ग्लाडियटर्स भिड्दैछन् । फाइनलमा स्थान बनाउने क्रममा मराठाले दिएको १२० रनको लक्ष्य पछ्याएको कलन्दर्स निर्धारित १० ओभरमा ४ विकेट गुमाएर ११२ रनमा रोकिएको थियो । कलन्दर्सका लागि लाउरी इभानले नट आउट ३५ तथा फिल साल्टले २६ रनको योगदान दिँदा पनि हार भने टार्न सकेनन् ।

मराठाका लागि सिरज अहमद, ड्वेन ब्राभो र मिचेल म्याकलेनागनले एक-एक विकेट लिए । पहिला ब्याटिङ गर्दै मराठाले ६ विकेट गुमाएर ११९ रन बनाएको थियो । मराठाका लागि क्रिस लिनले ६७ तथा एडम लिथले २८ रन बनाएका थिए ।

बलिङतर्फ कलन्दर्सका जोर्डन क्लार्कले ४ विकेट लिएका थिए ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्