'पाेखरा प्रिमियर लिग' : पाेखरा पल्टनले कुशल मल्ललाई डेढ लाखमा भित्र्यायाे

मंसिर ९, २०७६ सोमबार १९:८:४१ | उज्यालो सहकर्मी

काठमाण्डौ – पोखरा प्रिमियर लिग (पीपीएल) को दोस्रो संस्करणका लागि खेलाडी रिलिज र अनुबन्ध भएका छन् ।

यो संस्करणमा १८ जना खेलाडी रिलिज भएका छन् भने नयाँ १२ जना खेलाडी अनुबन्ध भएका छन् । लिगमा सहभागी ६ टिमले नै तीन तीन जना खेलाडीलाई रिलिज गर्दा हरेक टिमले दुई दुई जना खेलाडी अनुबन्ध गरेका हुन् ।

पोखरा रंगशालामा हुने प्रतियोगिताका लागि रिलिज हुने खेलाडीमा पोखरा पल्टनबाट दिपेश खत्री, विक्रम भुसाल, दिभ्याम्सु मलिक रहेका छन् । यस्तै चितवन राइनोजले शक्ति गौचन, स्वप्निल अधिकारी र आकाश थापालाई रिलिज गरेको छ ।

बुटवल ब्लास्टर्सले सागर पुन, अनिल खरेल, प्रकाश केसीलाई रिलिज गर्दा धनगढी ब्लुजले दिलिप नाथ, सन्तोष भट्ट, योगेन्द्र कार्कीलाई टिमबाट हटाएको छ ।

यस्तै विराटनगर टाइटन्सले जितेन्द्र सिंह ठकुरी, रविन जोशी, हिमांशु दत्तलाई रिलिज गरेको छ । काठमाण्डौ गोल्डेन्सले नरेश बुढाऐर, सुमित झा र सुधिर चौधरीलाई टिमबाट हटाएको छ ।

यसका साथै हरेक टिमले दुई जना नयाँ खेलाडीलाई अनुबन्ध गरेको छ । जसमा धनगढीले जनही ५० हजारमा सुमन गौतम र अनिल खरेललाई लिएको छ भने काठमाण्डौ गोल्डेन्सले सुवास खकुरेल र अमृत भट्टराईलाई समान ५०/५० हजारमा अनुबन्ध गरेको छ ।

यस्तै बुटवल ब्लास्टर्सले सेर मल्ललाई ५० हजार र कमल खत्रीलाई ३० हजारमा लिएको छ । पोखरा पल्टनले आकाश चन्दलाई ५० हजार र कुशल मल्ललाई एक लाख ५० हजारमा भित्र्याएको छ ।

यता विराटनगरले दिलिप नाथलाई ७५ हजार र लोकेश बमलाई ५० हजारमा किनेको छ । चितवनले विक्रम सोबलाई एक लाख ३० हजार र विक्रम भुषाललाई ५० हजारमा भित्र्याएको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्