रोनाल्डोसँगको सम्बन्ध राम्रो छ : प्रशिक्षक सार्री

मंसिर १०, २०७६ मंगलबार ६:४६:५६ | उज्यालो सहकर्मी

युभेन्टसका प्रशिक्षक माउरिजियो सार्रीले रोनाल्डोसँगको सम्बन्ध राम्रो रहेको प्रतिक्रिया दिएका छन् ।

अन्तर्राष्ट्रिय ब्रेकअघिका दुई खेलमा सार्रीले रोनाल्डोलाई बेन्चमा बोलाएर उनको विकल्पमा अर्का खेलाडी पठाएका थिए । जसको कारणले गर्दा सार्री र रोनाल्डोको सम्बन्धको बारेमा प्रश्न उठेको छ ।

‘कुनै पनि राम्रो खेलाडी बेन्चमा फर्किनु पर्दा रिसाउँछ, तर रोनाल्डोमा अझ पनि धेरै उत्प्रेरणा देखेको छु,’ सार्रीले भने ।

अन्तर्राष्ट्रिय खेलमा जानुअघि एसीमिलानविरुद्धको खेलमा सार्रीले रोनाल्डोलाई बेन्चमा बोलाएका थिए । जुन खेलमा युभेन्टसले मिलानलाई १–० ले हराएको थियो । त्यसअघि च्याम्पियन्स लिगअघि लोकोमोटिभ मस्कोविरुद्धको खेलमा पनि उनलाई बेन्चमा बोलाइएको थियो ।

गएको शनिबार एटलान्टाविरुद्धको खेलमा भने उनलाई आराम दिइएको थियो । जुन खेलमा युभेन्टस ३–१ ले विजयी भयो ।

युभेन्टसले च्याम्पियन्स लिगमा एट्लेटिको मड्रिडसँग प्रतिस्पर्धा गर्दैछ । यो खेल टुरिनमा नेपाली समय अनुसार आज राति १ : ४५ बजे हुनेछ ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्