च्याम्पियन्स लिगमा हारबाट जोगियो लिभरपुल

मंसिर १२, २०७६ बिहीबार ८:४८:२३ | उज्यालो सहकर्मी

च्याम्पियन्स लिगमा लिभरपुल हारबाट जोगिएको छ । इटालियन क्लब नापोलीविरुद्ध एन्फिल्डमा भएको खेलमा डेजान लोब्रेनले गोल गर्दै खेल बराबरीमा पुर्‍याएका थिए ।

खेलको २१ औँ मिनेटमा ड्राइज मार्टिन्सले गोल गर्दै नापोलीलाई अग्रता दिलाएका थिए ।

यो बराबरीपछि नकआउट चरणमा पुग्नका लागि लिभरपुललाई कम्तीमा एक अंक आवश्यक छ । समूहको अन्तिम खेलमा लिभरपुलले अष्ट्रियाको साल्ज्बर्गसँग र नापोलीले बेल्जियमको जेंकसँग प्रतिस्पर्धा गर्नेछ ।

अर्को खेलमा चेल्सी भ्यालेन्सियासँग २–२ गोलको बराबरीमा रोकिएको छ । भ्यालेन्सियाको मैदानमा भएको प्रतिस्पर्धात्मक खेलमा कालोस सोलेरले गोल गर्दै घरेलु टिमलाई अग्रता दिलाए ।

त्यसको एक मिनेटपछि माटेओ कोभासिचले चेल्सीका लागि गोल गर्दै खेल बराबरीमा पुर्‍याए । ५०औं मिनेटमा क्रिष्टियन पुलिसिचले गोल गर्दै चेल्सीलाई अग्रता दिलाए ।

८२औं मिनेटमा भ्यालेन्सियाका डेनियल वासले गोल गर्दै बराबरीमा पुर्‍याए ।

समूह एफमा डच क्लब आयाक्सले फ्रेन्च क्लब लिललाई २–० ले हराउँदै शीर्ष स्थानमा उक्लिएको छ । अन्तिम खेलमा चेल्सी लिलसँग र आयाक्स भ्यालेन्सियासँग खेल्नेछ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्