१३औँ सागकाे उद्घाटन समाराेह सुरू: मार्चपास जारी

मंसिर १५, २०७६ आइतबार १७:३९:४१ | उज्यालो सहकर्मी

काठमाण्डाै - दक्षिण एसियाली खेलकुद सागको १३ औंँ संस्करण औपचारिक रुपमा सुरु भएको छ । २० वर्षपछि फेरि जन्मभूमि फर्किएको सागलाई भब्य बनाउन सबै तयारी पूरा भएको छ ।

साँझ पाँच बजेबाट नेपालको मौलिक पञ्चेबाजासहित उद्घाटनको सुरुवात भएको १३ औंँ सागको मस्कट कालो हरिणको नेतृत्वमा सहभागी राष्ट्रको झन्डासहितको मार्च पाससँगै समारोह अघि बढिरहेकाे छ ।

हरेक देशका खेलाडी र अफिसियलले मार्चपासमा सहभागिता जनाएका छन् । एक घण्टा १४ मिनेटको यो कार्यक्रममा झण्डै साढे एक घण्टा सात देशका खेलाडीले मार्चपास गर्नेछन् भने बाँकी समय कलाकारका विभिन्न प्रस्तुति रहनेछन्।

उद्घाटनमा समारोहमा कुल १५ हजार कलाकारको प्रस्तुति रहनेछ । जसमा इन्दिरा जोशी, कुन्ति मोक्तान, आनन्द कार्की, सत्यराज आचार्य र मिलन अमात्यले राष्ट्रिय भाव बोकेको गीत प्रस्तुत गर्नेछन् ।

राष्ट्रपति विद्यादेवी भण्डारीले उद्घाटन गर्ने कार्यक्रममा लगातार चार पटकका सागमा स्वर्ण जितेका तेक्वान्दोका ओलम्पियन दीपक बिष्टले ओलम्पिक फ्लेम बाल्ने छन् । खेलाडीका तर्फबाट स्वर्ण विजेता आयशा शाक्यले शपथ लिनेछिन् ।

नेपालका लागि मार्चपासमा नेपालको झण्डा भारत्तोलनका खेलाडी कमलबहादुर अधिकारीले बोकेका छन्।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्