बार्सिलोना स्पेनिस ला लिगाको शीर्ष स्थानमा

मंसिर १६, २०७६ सोमबार ६:५१:५० | उज्यालो सहकर्मी

एट्लेटिको मड्रिडलाई हराउँदै बार्सिलोना स्पेनिस ला लिगाको शीर्ष स्थानमा फर्किएको छ ।

आइतबार राति भएको खेलमा बार्सिलोनाले एट्लेटिको मड्रिडलाई १–० ले हरायो । बार्सिलोनाको जितमा लियोनल मेस्सीको एकमात्र गोल निर्णायक बन्यो ।

निर्धारित ९० मिनेट सकिन चार मिनेट बाँकी रहँदा बार्सिलोना कप्तान मेस्सीले पेनाल्टी बक्सबाट बललाई जालीको दिशा देखाएका थिए ।

त्यसअघि बार्सिलोनाका गोलकिपर मार्क आन्द्रे टेर स्टेगेनले दुईवटा उत्कृष्ट बचाउ गरेका थिए । जसका कारणले गर्दा मारियो हर्मोसो र अल्भारो मोराटाले गोल गर्ने सुन्दर मौका गुमाएका थिए ।

मेस्सीले ला लिगामा १० खेल खेल्दा आफ्नो गोल संख्या ११ पुर्‍याएका छन् ।

१४ खेल खेलेको बार्सिलोनाको ३१ अंक रहेको छ । समान ३१ अंक रहेको रियल मड्रिड गोल अन्तरका आधारमा तालिकाको दोस्रो स्थानमा रहेको छ ।

ला लिगा अन्तर्गत नै आइतबार राति सेभियाले लेगानेसलाई १–० ले, एथ्लेटिको बिल्बाओले ग्रानाडालाई २–० ले, ओसासुनाले स्पान्योललाई ४–२ र गेटाफेले लेभान्टेलाई ४–० ले पराजित गरे ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्