इंग्लिस प्रिमियर लिगमा लिभरपुलको आठ अंकको अग्रता

मंसिर १९, २०७६ बिहीबार ७:४:४७ | उज्यालो सहकर्मी

इंग्लिस प्रिमियर लिगमा लिभरपुलले शीर्ष स्थानमा पकड जमाइराख्दा लेस्टर सिटी पनि दोस्रो स्थानमा यथावत छ ।

एभर्टनलाई ५–२ ले हराउँदै लिभरपुलले १५औँ चरणको खेल सकिँदा आठ अंकको अग्रता लिएको छ । लेस्टर सिटीले पनि रेलिगेसन जोनको वाट्फोडएलाई २–० ले हराउँदै दोस्रो स्थानका लागि तीन अंकको अग्रता लिएको छ ।

एनफिल्डमा भएको खेलमा लिभरपुलले एभर्टनलाई हराउँदै डिभोक ओरिगीले दुई गोल गरे भने जेर्दन शाकिरी, साडियो माने, जर्जिनियो विनाल्डमले एक–एक गोल गरेका थिए ।

ओरिगीले छैटौँ र ३१ औँ मिनेटमा गोल गरेका थिए भने शाकिरीले १७ औँ मिनेटमा र मानेले ४५औँ मिनेटमा गोल गरेका थिए ।

विनाल्डमले ९० मिनेटमा गोल गरेका थिए ।

पहिलो हाफमै ६ गोल भएको खेलको २१औं मिनेटमा माइकल किन र इन्ज्युरी समयमा रिचार्डलिसनले गोल गर्दा लिभरपुलले ४–२ को अग्रता लिएको थियो ।

जितसँगै लिभरपुलले ४३ अंक बनाएको छ भने एभर्टनमाथि रेलिगेसनको दबाब बढेको छ ।

लेस्टरले वाट्फोर्डलाई हराउँदा जेमी भार्डीले ५५ औँ मिनेटमा पेनाल्टीमा गोल गरेका थिए । अर्को गोल दोस्रो गोल जेम्स म्याडिसनले इन्ज्युरी समयमा गरेका थिए ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्