इंग्लिस प्रिमियर लिग : लिभरपुललाई पछ्याउँदै लेस्टर

मंसिर २३, २०७६ सोमबार ७:३१:२० | उज्यालो सहकर्मी

काठमाण्डाै - इंग्लिस प्रिमियर लिग फुटबलमा लेस्टर सिटीले शीर्ष स्थानको लिभरपुलसँग अंक दूरी ८ मा झारेको छ । ४६ अंकका साथ शीर्ष स्थानमा लिभरपुल रहेको छ भने आइतबारको खेलमा एस्टोन भिल्ला माथि ४–१ गोल अन्तरको जित दर्ता गर्दै लेस्टरले तालिकामा ३८ अंक बनाएको हो ।

लेस्टरको जितमा जिमी भर्डिले २ तथा किलिचि इनाचो र जोनाथन इभान्सले एक एक गोल गरे । भिल्लाका लागि ज्याक ग्रिलिसले एक गोल फर्काएका थिए । २० औं मिनेटमा भर्डिले गोल गर्दै लेस्टरलाई अग्रता दिलाएका थिए । ४१ औं मिनेटमा किलिचिले गोल गर्दै अग्रता दोब्बर बनाए ।

यस्तै पहिलो हाफको अतिरिक्त समयमा भिल्लाका लागि ज्याक ग्रिलिसले गोल गर्दै अग्रता २–१ मा झारेका थिए । लेस्टरले दोस्रो हाफमा थप २ गोल गरेको थियो ।

उसका लागि जोनाथन इभान्सले ४९ औं मिनेटमा गोल गर्दै लेस्टरको अग्रता ३–१ मा पुर्‍याए । ७५ औं मिनेटमा भर्डिले व्यक्तिगत दोस्रो तथा टिमका लागि चौथो गोल गरे । पराजित भएको एस्टोन भिल्ला १५ अंकसहित १७ औं स्थानमा छ ।

न्यू क्यासल युनाइटेडकाे जित

यस्तै आइतबार राति नै भएको अर्को खेलमा न्यू क्यासल युनाइटेडले साउथ ह्याम्प्टनमाथि २–१ गोलको जित दर्ता गरेको छ । जितसँगै क्यासल २२ अंकका साथ १० औं स्थानमा छ भने पराजित भएको साउथ ह्याम्पटन १५ अंकका साथ रेलिगेशन जोनमा छ ।

पहिलो हाफ गोलरहित बराबरी भएकोमा साउथ ह्याम्प्टनले ५२ औं मिनेटमा अग्रता बनाएको थियो । उसका लागि डेनियल विलियले गोल गर्दै अग्रता दिलाएका थिए ।

तर ६८ औं मिनेटमा न्यू क्यासलका लागि जोन्जो सिल्भेले बराबरी गोल गरेका थिए । ८७ औं मिनेटमा फेडरिको फर्नान्डेजले गोल गरेपछि न्यू क्यासल २–१ गोलले विजयी भयो ।

सेफिल्ड युनाइटेड विजयी

सेफिल्ड युनाइटेडले नर्विच सिटीलाई २–१ गोलले पराजित गर्‍यो । एलेक्जेन्डर टिटेले गोल गर्दै नर्विचले २७ औं मिनेटमा अग्रता भने लिएको थियो । पहिलो हाफमा लिएको अग्रता नर्विचले दोस्रो हाफमा जोगाउन सकेन ।

४९ औं मिनेटमा इन्डा स्टेभनले बराबरी गोल गरे । ५२ औं मिनेटमा सेफिल्डका लागि जर्ज व्यालडकले गोल गरेपछि त्यही गोलको अग्रता बचाउँदै सेफिल्ड अन्ततः २–१ गोलले विजयी भयो । जितसँगै सेफिल्ड २२ अंकका साथ आठौं स्थानमा छ भने पराजित भएको नर्विच रेलिगेशन जोनमा छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्