भारतमा जारी हिराे 'आई लिग' मा किरण चेम्जाेङ 'म्यान अफ् द म्याच'

मंसिर २५, २०७६ बुधबार ८:३४:३३ | उज्यालो सहकर्मी

काठमाण्डौ – भारतमा जारी हिरो 'आई' लिग फुटबलमा नेपाली राष्ट्रिय गोलकिपर किरण चेम्जोङ आबद्ध मिनर्भा पञ्जाब विजयी भएको छ ।

किरणको टिमले चेन्नई सिटीलाई ३–१ गोलले पराजित गरेको हो । पञ्जाबको जितमा नेपाली गोलकिपर किरणले उत्कृष्ट प्रदर्शन गरे । उनको सशक्त प्रदर्शनका कारण खेलमा किरण नै ‘म्यान अफ द म्याच’ समेत भएका छन् ।

उनले २५ हजार भारु पनि हात पारे । निर्धारित समय सकिन १२ मिनेट बाँकी रहेका बेला दुवै तर्फबाट गरी चार गोल भएका थिए ।

एसियर पिएरिकले ७८ औं मिनेटमा गोल गर्दै पञ्जाबलाई अग्रता दिलाएका थिए । पेड्रो जाभियर मान्जीले ८५ औं मिनेटमा गोल गर्दै चेन्नईलाई खेलमा फर्काएका थिए ।

थोइबा सिंहले ८७ औं मिनेटमा गोल गर्दै पञ्जाबलाई २–१ को अग्रता दिलाए । सर्जियो बार्बोजाले ९१ औं मिनेटमा गोल गरेपछि पञ्जाब ३–१ गोल अन्तरले विजयी भयो ।

तेस्रो चरणको खेल जारी रहँदा पञ्जाब ४ अंकसहित तालिकाको पाँचौ स्थानमा छ ।

चर्चिल ब्रदर र गोकुलम ६–६ अंकसहित तालिकाको पहिलो र दोस्रो स्थानमा छन् । भारतले आई लिगको कारण देखाउँदै नेपालमा मंगलबार सम्पन्न भएको १३ औं दक्षिण एसियाली खेलकुद (साग) को फुटबलमा सहभागिता जनाएको थिएन ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्