झडपमा परि गम्भीर घाइते भएका प्रहरी जवानलाई हेलिकप्टरबाट काठमाडौं लगियो

साउन ३, २०७५ बिहीबार १९:३७:२८ | नेत्र शाही

जुम्ला – कर्णाली स्वास्थ्य विज्ञान प्रतिष्ठान शिक्षण अस्पतालमा गम्भीर घाइते भएका जिल्ला प्रहरी कार्यालयका प्रहरी जवान कमल शर्मा उपाध्यायलाई थप उपचारका लागि काठमाडौं लगिएको छ ।

घाइते कमललाई फिस्टेल एयरको हेलिकप्टरबाट थप उपचारका लागि काठमाडौं पठाइएको जिल्ला प्रहरी कार्यालयका प्रहरी नायव उपरीक्षक डाक्टर तपनकुमार दाहालले जानकारी दिनुभयो ।

कर्णाली स्वास्थ्य विज्ञान प्रतिष्ठानमा चिकित्सा क्षेत्रका विभिन्न मागसहित २० दिनदेखि अनसनरत रहेका डा. गोविन्द केसीलाई काठमाडौं लैजाने प्रयास गरेपछि भएको दोहोरो झडपमा कमल गम्भीर घाइते हुनु भएको थियो ।

उहाँको दायाँ फोक्सो छेडिएको र मुटुको समस्या भएकाले भेन्टिलेटरमै काठमाडौं शिक्षण अस्पतालमा रिफर गरिएको उपचारमा संलग्न चिकित्सकहरुले जनाएका छन् । दाँया फोक्सोभित्र कुनै वस्तु रहेको तर गोली, किला वा सिसामध्ये के हो भन्ने थाहा नभएको डाक्टरहरुले जनाएका छन् ।

सुरुमा अत्याधिक रक्तश्राव भए पनि बग्न भने प्रथामिक उपचार पछि कम भएको छ । यसैगरी घाइते प्रहरी जवान कमल शर्मा उपाध्यायको साथमा दुईजना चिकित्सकहरु पनि गएका अस्पतालले जनाएको छ ।

यसैगरी आज गोविन्द केसीलाई पनि नेपाली सेनाको हेलिकप्टरबाट काठमाडौं पुर्याइसकिएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्