प्रतिभा मालीले माल्दिभ्सकाे लिग खेल्ने

मंसिर २६, २०७६ बिहीबार २०:२९:२२ | उज्यालो सहकर्मी

काठमाण्डाै - नेपाली राष्ट्रिय महिला भलिबल टिमकी स्पाइकर प्रतिभा माली माल्दिभ्सको लिग खेल्ने भएकी छिन् ।

यसअघि २ संस्करण त्याे प्रतियोगिता खेलिसकेकी मालीले यसपटक माल्दिभ्सको पुलिस टिमबाट खेल्ने पक्का भएको हो । माल्दिभ्स लिगबारे प्रतिक्रिया दिँदै मालीले यस्ता लिगहरुले नेपाली खेलाडीलाई ठूलो एक्सपोजर मिल्ने बताइन् ।

माल्दिभ्सको लिगमा अरु टिमहरुले पनि विदेशी खेलाडी राख्न पाउने भएकाले आफू यही कोटामा परेको बताउँदै यो संस्करणमा उत्कृष्ट प्रदर्शन गर्न सके अरु ठाउँमा पनि मौका पाइने विश्वास व्यक्त गरिन् ।

प्रतिभाको उत्कृष्ट प्रदर्शनका कारण बंगलादेशमा भएको एभीसी सेन्ट्रल जोन वुमन्स च्याम्पियनसिपमा नेपालले स्वर्ण पदक जितेको थियो । यस्तै काठमाण्डौमा भएको १३ औं दक्षिण एसियाली खेलकुद (साग)मा पनि नेपालले ऐतिहासिक रजत पदक जित्दा प्रतिभाको प्रदर्शन उत्कृष्ट नै रहेको थियो ।

माल्दिभ्सको लिगमा उत्कृष्ट खेलाडीहरुको जमघट हुने भएकाले पनि आफू त्यसबाट उत्साहित भएको प्रतिक्रिया दिइन् । ‘एसियामा इरानका भलिबल खेलाडीहरु उत्कृष्ट मानिन्छन् । गत वर्ष त्यहाँका खेलाडीहरुसँग मेरो प्रतिस्पर्धा थियो यस पटक हेरौं कस्तो प्रदर्शन गर्छु', संक्षिप्त कुराकानीमा उनले भनिन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रतिभा मालीले माल्दिभ्सकाे लिग खेल्ने

फाइल फाेटाे

तपाईको प्रतिक्रिया