पानीमा रुझ्दै साग पदक विजेताले गरे नगर परिक्रमा

मंसिर २७, २०७६ शुक्रबार १४:१९:३० | उज्यालो सहकर्मी

काठमाण्डौ – १३औँ दक्षिण एसियाली खेलकुद (साग) का पदक विजेता खेलाडीलाई नगर परिक्रमा गराउने भनिएको रुट परिवर्तन भएको छ । तोकिएको समय भन्दा झण्डै २ घण्टा ढिलो सुरू भएको नगर परिक्रमाको रूट वर्षाका कारण परिवर्तन गरिएको हो ।

प्रतिकुल मौसमका कारण खेलाडीलाई कठिन हुने भन्दै नगर परिक्रमा कार्यकम त्रिपुरेश्वरको राष्ट्रिय खेलकुद परिषद् (राखेप) बाट सुरु भएर न्युरोड, भोटाहिटी, रत्नपार्क, भृकुटीमण्डप, भद्रकाली, सिंहदरबार, थापाथली हुँदै फेरि त्रिपुरेश्वर फर्कने तय भएको हो ।

नगर परिक्रमा रुट छोटो भएकाले खेलाडी भृकुटीमण्डपसम्म हिँडेका थिए । त्यसपछि उनीहरु गाडी चढेका थिए ।

यसअघि त्रिपुरेश्वरबाट सुरु भएको परिक्रमा न्युरोड, इन्द्रचोक, मखन, भोटाहिटी, रत्नपार्क, भृकुटीमण्डप, भद्रकाली, सिंहदरबार, थापाथली, पुल्चोक, जावलाखेल, लगनखेल, सातदोबाटो, कोटेश्वर, जडिबुटी, नयाँ थिमी, राधे राधे, सल्लाघारी, सूर्यविनायक पुग्ने तय भएको थियो ।

र फेरि सल्लाहघारी, राधे राधे, नयाँ थिमि, जडिबुटी, कोटेश्वर, तीनकुने, नयाँ बानेश्वर, थापाथली हुँदै राखेप प्राङ्गणमा आएर परिक्रमा टुंगिने तय भएको थियो ।

खेलाडीहरुलाई बाटो बाटामो मानिसहरुले सम्मान गरेका थिए । यसपटकको सागमा नेपालले ऐतिहासिक ५१ स्वर्ण पदक जितेको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्