लिभरपुलले जित्याे फिफा क्लब विश्वकपकाे उपाधि

पुष ६, २०७६ आइतबार ६:२७:२० | उज्यालो सहकर्मी

काठमाण्डौ – फिफा क्लब विश्वकपको उपाधि लिभरपुलले जितेको छ ।

फाइनलमा ब्राजिलियन क्लब फ्लेमिङ्गाेलाई एक–शून्यले गोल अन्तरले हराउँदै लिभरपुलले पहिलो पटक क्लब विश्वकपको उपाधि जित्न सफल भयो ।

कतारको दोहामा भएको फाइनलमा लिभरपुलको जितमा रोबेर्टो फेरमिन्होले गरेको एकमात्र गोल निर्णायक बन्यो । युरोपियन च्याम्पियन लिभरपुलले निर्धारित ९० मिनेट गोलरहित बराबरी गरेको थियो ।

खेलको सुरुवातमा नै ब्राजिलियन खेलाडी फरेमिन्हाले लिभरपुललाई अग्रता दिलाउने सुनौलो मौका पाएका थिए तर असफल भए । त्यसपछि नाबी केइटाले पनि राम्रो मौका पाएकोमा खेर फाले ।

मेक्सिकन क्लबविरुद्ध आक्रामक फुटबल खेलेको लिभरपुलका लागि दोस्रो हाफको सुरुवातमा नै फेरमिन्होले गरेको प्रहार पोलमा लागेर फर्किँदा रिबाउण्डमा मोहम्मद सलाहले मौका पाएका थिए तर सफल भएनन् ।

तर खेलको इन्जुरी समयमा साडीयो मानेलाई डी बक्समा लडाएपछि लिभरपुलले पेनाल्टिको अपिल गरेको थियो तर भिएआरले त्यो अपिललाई खारेज गर्‍याे ।

निर्धारित समयमा गोलरहित बराबरी भएपछि खेल अतिरिक्त समयमा धकेलियो र लिभरपुलले ९९ औँ मिनेटमा अग्रता लियो । उसका लागि फेरमिन्होले गोल गरे । त्यसका लगत्तै फेरि सलाहले अर्को डरलाग्दो प्रहार गरेका थिए तर त्यसलाई एल्भेसले रोके ।

फिफा क्लब विश्वकपको इतिहासमा अतिरिक्त समयमा भएको यो चौथो फाइनल हो । यसअघि सन् २०००, २००९ र २०१६ मा भएको फाइनल पनि अतिरिक्त समयमा गएको थियो ।

यो उपाधिसँगै लिभरपुलले क्लबस्तरमा खेल्ने सबै प्रतियोगिताको उपाधि जित्न सफल भएको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्