पीपीएल : धनगढी र विराटनगरलाई जित्नैपर्ने दबाब, चितवनकाे लक्ष्य फाइनल

पुष ६, २०७६ आइतबार ७:३७:१४ | उज्यालो सहकर्मी

कास्की – पोखरा प्रिमियर लिग (पीपीएल) मा आइतबार दुई खेल हुँदैछ ।

पोखरा रंगशालामा बिहान ९ बजे सुरु हुने पहिलो खेलमा विराटनगर टाइटन्स र चितवन राइनोजले प्रतिस्पर्धा गर्दा साढे १२ बजेपछि सुरु हुने दोस्रो खेलमा बुटवल ब्लास्टर्स र धनगढी ब्लुज खेल्नेछन् ।

चितवनसँगको खेलमा विराटनगरलाई गर या मर को अवस्था छ । प्लेअफको सम्भावना कायमै राख्न विराटनगरले आजको खेल जित्नैपर्छ, आज हार्दा विराटनगरको सम्भावना लगभग समाप्त हुनेछ ।

प्रतियोगितामा अपराजित रहेको चितवन आजको खेलमा विजयी भएमा फाइनलमा पुग्नेछ, पाराजित भएका अन्तिम खेल कुर्नुपर्नेछ । विराटनगरले खेलेका तीन खेलमा एकमा जित र दुईमा हार ब्यहोरेको छ ।

यस्तै अर्को खेलमा बुटवल ब्लास्टर्स र धनगढी ब्लुज प्रतिस्पर्धा गर्नेछन् । आजको खेल धनगढीका लागि पनि गर या मरको अवस्थामा रहेको छ । लिगको पुछारमा रहेको धनगढी आज पराजित भएमा प्रतियोगिताबाट बाहिरिनेछ । उसले तीन खेलमा एकमा जित र दुईमा हार ब्यहोरेको छ ।

यता बुटवलले पनि यो खेल जित्नेपर्ने हुन्छ । प्लेअफमा पुग्न बुटवलले धनगढीलाई हराउनु पर्नेछ । बुटवलका नियमित कप्तान सोमपाल कामीको कम्मरमा समस्याका कारण यसअघिको खेल खेलको थिएनन् । उनी आइतबारको खेलमा फिट हुने अपेक्षा गरिएको छ ।

बुटवलले तीन खेलमा दुईमा जित र एकमा हार ब्यहोरेको छ । धनगढीले तीन खेलमा एकमा जित र दुईमा हार ब्यहोरेको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्