भारतले जित्याे वेस्ट इन्डिजविरुद्धकाे एकदिवसीय शृङ्खला

पुष ७, २०७६ सोमबार ६:५८:९ | उज्यालो सहकर्मी

वेस्ट इन्डिजविरुद्धको एक दिवसीय सिरिज भारतले जितेको छ । तेस्रो तथा अन्तिम खेलमा भारतले वेष्ट इन्डिजलाई चार विकेटले हराउँदै सिरिज आफ्नाे‍ पक्षमा पारेकाे हाे ।

कटकस्थित बरबती स्टेडियममा टस हारेर ब्याटिङको निम्तो पाएको वेस्ट इन्डिजले निर्धारित ५० ओभरमा ५ विकेटको क्षतिमा ३ सय १५ रन जोड्यो । उसका लागि कायरन पोलार्डले नटआउट ७४ रन बनाए भने निकाेलस पुरनले ६४ बलमा ८९ रनको आक्रामक इनिङ खेले । अन्तिम ३ ओभरमा मात्र वेस्ट इन्डिजले ५३ रन जोडेको थियो ।

उसका लागि इविन लेविसले २१ र शाइ होपले उत्कृष्ट लयलाई कायम राख्दै ४२ रनको योगदान दिए । यस्तै रोस्टन चेजले ३८ र शिम्रन हेटमायारले ३७ रन बनाए ।

भारतका लागि नवदीप सैनीले २ विकेट लिँदा शार्दुल ठाकुर, मोहमद शामी र रविन्द्र जडेजाले १-१ विकेट हात पारे ।

जवाफमा भारतले ४८ ओभर ४ बलमा ६ विकेट गुमाई लक्ष्य पूरा गर्‍यो ।

भारतले बलियो सुरुवात गर्दै पहिलो विकेटका लागि शतकीय साझेदारी गर्न सफल भयो । रोहित शर्मा र केएल राहुलले पहिलो विकेटका लागि १२२ रनको साझेदारी गरे । जसमा रोहित शर्माले ६३ रन बनाए भने त्यसपछि क्रिजमा आएका कप्तान विराट कोहलीले ८५ रन बनाए ।

त्यसपछि क्रिजमा आएका श्रेयस ऐयर र ऋषभ पन्त सात-सात रनमा आउट भए । यस्तै केदार जादव नौ रनमा पेभेलियन फर्किए भने केएल राहुलले ७७ रन बनाए ।

त्यसपछि रविन्द्र जेडेजा र शार्दुल ठाकुरले अन्तिममा भारतलाई जितको बाटो देखाए । जडेजाले ३९ रन बनाए भने ठाकुरले १७ रनको योगदान गरे ।

तीन खेलको एकदिवसीय श्रृङ्खलामा पहिलो खेल वेस्ट इन्डिजले जितेको थियो भने दोस्रो खेल भारतले जितेको थियो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्