पीपीएल : लिग चरणकाे अन्तिम खेलमा विराटनगरलाई माैका

पुष ९, २०७६ बुधबार ६:२४:२१ | उज्यालो सहकर्मी

कास्की – पोखरा प्रिमियर लिग (पीपीएल) मा लिग चरणको अन्तिम खेलमा बुधबार बुटवल ब्लास्टर्स र विराटनगर टाइटन्सबीच प्रतिस्पर्धा हुँदैछ । यो खेलले इलिमिनेटर खेल्ने टिमको टुङ्गो लगाउनेछ ।

लगातार पाँच खेलमा जित निकालेको चितवन फाइनलमा पुगिसकेको छ । बाँकी दोस्रो र तेस्रो स्थानमा रहने टिमको टुङ्गो यो खेलले लगाउनेछ । जसले फाइनल प्रवेशका लागि खेल्नेछन् ।

यो खेलले विराटनगरको मात्र होइन काठमाण्डौको पनि भविष्य देखाउनेछ । आजको खेलमा बुटवल विजयी भएमा काठमाण्डौले इलिमिनेटर खेल्नेछ । यदि विराटनगर विजयी भएमा रनरेटका आधारमा तेस्रो हुने टिमको टुङ्गो लाग्नेछ । आजको खेलमा रनरेट राम्रो गर्नका लागि विराटनगरले भारी अन्तरको जित निकाल्नुपर्नेछ ।

लिग तालिकामा काठमाण्डौको पाँच खेलमा चार अंक रहेको छ । उसको शून्य दशलमव ३९ रनरेट रहेको छ । समान चार अंकका साथ धनगढी ब्लुज चौथो स्थानमा छ । तर उसको रनरेट माइनस एक दशमलव शून्य ६९ रहेको छ ।

त्यस्तै विराटनगरको चार खेलमा २ अंक छ । जसमा उसको रनरेट शून्य दशमलव १७५ रहेको छ । आजको खेलमा विराटनगरले राम्रो अन्तरमा जित निकालेमा मात्र उसको सम्भावना रहेको छ । सामान्य जितले उसको रनरेट बढ्ने सम्भावना कम रहेको छ ।

पोखरा रंगशालामा बिहान साढे ११ बजेबाट सुरु हुने खेलमा बुटवलको लक्ष्य चौथो जित हुनेछ । विराटनगरका लागि भने जसरी पनि भारी अन्तरको जित निकाल्ने रहेको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्