‘बक्सिङ डे’ टेस्ट : पहिलाे दिन न्यूजिल्याण्डविरुद्ध अस्ट्रेलिया चार विकेट गुमाएर २५७ रन

पुष १०, २०७६ बिहीबार १५:२४:४९ | उज्यालो सहकर्मी

न्यूजिल्याण्डविरुद्ध मेलबर्नमा सुरु भएको ‘बक्सिङ डे’ टेस्ट म्याचको पहिलो दिन अस्ट्रेलियाले चार विकेट गुमाएर २५७ रन बनाएको छ ।

घरेलु टोली अस्ट्रेलियाका स्टिभ स्मिथ ७७ तथा ट्राभिस हेड २५ रन बनाएर क्रिजमा छन् । पहिलो दिन ९० ओभरको खेल सकिँदा अस्ट्रेलियाका मार्नस लाबुशेनले पनि अर्धशतक बनाए ।

न्यूजिल्याडका कप्तान केन विलियम्सनले टस जितेर पहिला बलिङ गर्ने निर्णय लिएका थिए । अस्ट्रेलियाका रोरी बर्न्सलाई खाता नै खोल्न नदिइ ट्रेन्ट बोल्टले पेभेलियन पठाएका थिए ।

त्यसपछि डेभिड वार्नर मार्नस लाबुशेन मिलेर दोस्रो विकेटका लागि ६० रन जोडे । त्यसछि डेभिड वार्नर ४१ रन बनाएर निल वाग्नरको बलमा आउट भए । ६१ रन जोड्दा २ विकेट गुमाएको अस्ट्रेलियाका लाबुशेन र स्टिभ स्मिथले उत्कृष्ट साझेदारी गर्दै दुवैले अर्धशतक बनाए । लाबुशेन ६३ रन बनाएर आउट भए ।

स्टिभ स्मिथ र म्याथ्यू वेडले अर्धशतकीय साझेदारी गरे । म्याथ्यू वेड ३८ रनमा आउट हुँदा स्मिथ ७७ र क्रिजमा आएका ट्राभिस हेड २५ रनमा अविजित छन् । न्यूजिल्याण्डका काेलिन डी ग्राण्डहोमले सर्वाधिक २ विकेट लिँदा वाग्नर र वोल्टले एक-एक विकेट लिए ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्