प्रदेशको नाम र राजधानीका विषयमा एकमत भएर जान्छौँ : मुख्यमन्त्री पौडेल

पुष १८, २०७६ शुक्रबार १७:२३:२७ | हरि हुमागाईं

मकवानपुर - प्रदेश नम्बर ३ का मुख्यमन्त्री डोरमणि पौडेलले प्रदेशको नाम र राजधानीका विषएमा एकमत भएर जाने बताउनुभएको छ ।

शुक्रबार नेकपा संसदीय दलको बैठकमा उहाँले भन्नुभयो, ‘प्रदेशको नाम र राजधानीका विषयमा सांसदहरु सबैले आफ्ना धारणा राखौँ । समयको कुनै पाबन्दी छैन । बैठक भोलिसम्म पनि चल्न सक्छ । तर, बैठकबाट निस्किएपछि एकमत भएर निस्कनुपर्छ ।’

प्रदेशको नाम र राजधानीका बारेमा पुस २२ गतेसम्म जसरी भए पनि टुंगाे लगाएर मात्र निस्कने मुख्यमन्त्री पौडेलले बताउनुभयो । नेकपाका प्रदेशका संसदीय दलका नेतासमेत रहनुभएका पौडेलले लामो समयदेखि टुंगाे लगाउन नसकेको नाम र राजधानीको विषय अब बाँकी राख्न नहुने बताउनुभयो ।

बैठकमा नेकपाका प्रदेश नम्बर ३ का इन्चार्ज तथा प्रदेश सभाका सदस्य अष्टलक्ष्मी शाक्य, पार्टीका केन्द्रीय नेता काँशीनाथ अधिकारी, नेता राजेन्द्र पाण्डे, नेकपाका प्रदेशका नेताहरु, प्रदेशका आन्तरिक मामिला तथा कानुुनमन्त्री शालिकराम जमकट्टेल, आर्थिक मामिला तथा योजनामन्त्री कैलाशप्रसाद ढुंगेल, उद्योग, पर्यटन, वन तथा वातावरणमन्त्री अरुण प्रसाद नेपाल, भूमि व्यवस्था, कृषि तथा सहकारीमन्त्री दावा दोर्जे लामा, सामाजिक विकास मन्त्री युवराज दुलाल लगायतको सहभागिता रहेको छ ।

नेकपाका प्रदेशसभाका धेरैजसो सांसदहरु संसदीय दलको बैठकमा सहभागी छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्