बिना मुचुल्का दिलिपकुमार महतोकाे शव उठाउने प्रहरी निरीक्षक जिल्ला तानिए

पुष २७, २०७६ आइतबार १९:५९:२९ | सुभाष कर्ण

धनुषा- टिपरले किचेर हत्या गरिएका धनुषा मिथिला नगरपालिका -५ श्रीपुरका ओमप्रकाश भनिने दिलिपकुमार महत्ताेको शव बिना मुचुल्का उठाएको भन्दै विवादमा तानिएका इलाका प्रहरी कार्यालय ढल्केबरका प्रहरी निरीक्षक रामकुमार यादव जिल्ला तानिएका छन् ।

घटनालाई ढाकछोप गर्न शव बिना मुचुल्का पोष्टमार्टमका लागी प्रादेशिक अस्पताल पठाएको भन्दै स्थानीयले यादवमाथि लगाएको आरोपको अनुसन्धानका लागी उनलाई जिल्ला झिकाइएको हो ।

चुरियामाई बालुवा प्रशोधन उद्योगका सञ्चालक विपीनकुमार महतोसँग मिलेर मुचुल्का बिना नै शव उठाएको आराेप स्थानीयहरुले लगाएपछि यादव विवादमा तानिनु भएकाे हाे । शुक्रबार बिहान अवैध उत्खननको विरोध गर्दा कुटपिट गरी दिलिपकुमार महताेकाे हत्या गरेर घटनालाई दुर्घटनामा परिणत गर्न टिपरले किचिएको थियो ।

जिल्ला प्रहरी कार्यालय धनुषाका प्रमुख एसपी रमेश बस्नेतले भने विवादका कारण भन्दा पनि आन्तरिक कारणले जिल्ला ल्याइएको बताउनु भयाे ।

प्रहरी उपरीक्षक बस्नेतले बिना मुचुल्काको शव किन उठाइयो भन्ने विवाद तिर भन्दा पनि घटनाको अनुसन्धानप्रति केन्द्रित हुनुपर्ने जवाफ दिनुभएको थियो ।

इलाका प्रहरी कार्यालय ढल्केबरका प्रहरी निरीक्षक रामकुमार यादव राजपाका नेता राजकिशोर यादवका भाई रहेका कारण उनले राजनीतिक संरक्षणका आधारमा लाभ उठाइरहेकाे आराेप स्थानीय लगाएका छन् ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुभाष कर्ण

कर्ण उज्यालाेका धनुषा संवाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्