एन्फा कास्कीका अध्यक्षकाे जाहेरीमा मनाङ्गेकाे जवाफ- जाहेरी हालेर केही हुँदैन, म पनि हाल्दिन्छु ५० वटा ठगी गरेको जाहेरी के भयो र !

माघ ८, २०७६ बुधबार २०:५३:६ | सुमन गुरुङ

कास्की - गण्डकी प्रदेशसभाका सांसद दिपक मनाङ्गेका नामले चिनिने राजिव गुरुङले ठगलाई झापड हानेर ठिक ठाउँमा ल्याउनुपर्ने तर्क दिनुभएको छ ।मंगलबारदेखि सुरु भएको मुख्यमन्त्री कपको उद्घाटन खेल अगाडि सांसद गुरुङले एन्फा कास्कीका अध्यक्ष मिलन गुरुङलाई झापड हान्नुभएको थियो ।

सांसद गुरुङले बुधबार पत्रकार सम्मेलन गरेर एन्फा कास्कीका अध्यक्षमाथि भ्रष्टाचार गरेको आरोप लगाउनुभएको छ । ठगेको कारण झापड हानेको उहाँको भनाइ छ ।

झापड हानेर ठीक गरे भन्न खोज्नु भएको हो ? भन्ने प्रश्नमा उहाँले भन्नुभयो, ‘मलाई एकदमै राम्रो लागेको छ । तपाईँलाई नराम्रो लागेको छ भने लेख्नुस्। के भ्रष्टचारीलाई झापड नहानेर माला लगाइदिउँ ?’

उहाँले मनाङबाट आएका १८ जना खेलाडीलाई अलपत्र पारेपछि झापड हानेको बताउनुभयो । मनाङबाट मुख्यमन्त्री कप खेल्न आएका खेलाडीलाई मिलन र एन्फाले अलपत्र पारेको उहाँको जिकिर थियो ।

उहाँले एन्फा अध्यक्ष कर्मा छिरिङलाई सम्झिँदै भन्नुभयो, ‘झापड हान्न मन त कर्मालाई थियो बीचमा मिलन आइपुग्नुभयाे,अहिले त रिस मरिसक्यो किन हान्नु'?’

अध्यक्ष गुरुङले भने कुटपिट तथा दुर्व्यवहार भएको भन्दै सांसद गुरुङविरुद्ध कास्की प्रहरीमा उजुरी दर्ता गराउनु भएकाे छ ।

त्यसबारे सांसद गुरुङले भन्नुभयो, ‘जाहेरी हालेर केही हुँदैन । म पनि हाल्दिन्छु ५० वटा ठगी गरेको जाहेरी के भयो र !’

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन गुरुङ

कास्कीका उज्यालो सहकर्मी सुमन गुरुङ रेडियाे तरङ्गमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्