संघीयता नरुचाउनेहरुले सरकार परिवर्तनको हल्ला फैलाए : मुख्यमन्त्री राउत

माघ १३, २०७६ सोमबार १९:३४:३९ | सुभाष कर्ण

धनुषा - प्रदेश २ का मुख्यमन्त्री लालबाबु राउतले संघीयता नरुचाउनेहरुले सरकार परिवर्तनकाे हल्ला फैलाएको आराेप लगाउनु भएकाे छ ।

प्रदेश २ काे सरकार परिवर्तन हुने चर्चा चलिरहेकाे बेला नेपाल इन्जिनियर्स एशोसिएन प्रदेश २ को प्रथम साधारण सभा कार्यक्रमलाई सम्बोधन गर्दै मुख्यमन्त्री राउतले पाँच वर्षसम्म कुनै पनि हालतमा सरकार परिवर्तन नहुने दाबी गर्नुभयो ।

उहाँले भन्नुभयो ‘ संघीयताको प्रमुख केन्द्रबिन्दु नै प्रदेश २ हो । संघीयता नरुचाउने दलहरुले सरकार परिवर्तनकाे गलत हल्ला फैलाएको हो । जनताले म्याण्डेड दिएर पाँच वर्षका लागि बनाएको प्रदेश २ को सरकार हो । यसमा कसैले शंका उपशंका गर्दा निराधार नै हुन्छ ।’

संघीयता नरुचाउनेहरुले अहिले संघीयतामा धेरै कुरा व्यवस्थित हुँदै जाँदा उनीहरु नांगिने अवस्था आउने भएकाले यस्ता प्रंपच सुरु भएकाे उहाँले बताउनुभयाे ।

उपभोक्ता समितिहरुको गएकाे वर्षको बक्यौता रकम उपलब्ध गराउने सवालमा मिलाउने काम भइरहेकाे पनि उहाँले बताउनुभयाे ।

मुख्यमन्त्री राउतले बक्यौता रकम भुक्तानी गर्ने प्रावधान संघमा पनि नरहेकोले प्रदेशमा नयाँ कानून बनाएर रकम उपलब्ध गराउने तयारीमा लागेको जानकारी दिनु भयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुभाष कर्ण

कर्ण उज्यालाेका धनुषा संवाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्