प्रदेश-२ काे ‘बेटी पढाउ बेटी बचाउ’ अभियान : बीमा रकम एक लाखबाट बढाएर तीन लाख रुपैयाँ

माघ १७, २०७६ शुक्रबार १६:३६:५१ | सुभाष कर्ण

धनुषा - ‘बेटी पढाउ बेटी बचाउ’ अभियान अन्तर्गत प्रदेश २ सरकारले बालिकाहरुकाे बीमा रकम एक लाखबाट बढाएर तीन लाख रुपैयाँ पुर्‍याएको छ ।

शुक्रबार मन्त्रिपरिषदको निर्णयबाट गएकाे वर्ष माघदेखि जन्मिने छोरीहरुको घाेषित एक लाख रुपैयाँलाई तीन लाख पुर्‍याइएको हो ।

मुख्यमन्त्री लालबाबु राउतले मन्त्रिपरिषदको निर्णय सुनाउँदै एक लाखबाट बढाएर बीमा रकम तीन लाख रुपैयाँ पुर्‍याइएको जानकारी दिनुभयो ।

उहाँले भन्नुभयो,‘लैंगिक समानता र भ्रुणहत्या रोक्न सुरुवात गरिएको यो अभियान गत वर्ष अपेक्षा अनुसार सफल हुन नसकेपछि यस वर्षबाट पालिकास्तरबाटै सञ्चालन गराएका छौँ । यसका साथै प्रत्येक पालिकालाई प्रदेश सरकारले जति रकम बीमा बापत दिइरहेको छ, त्यति नै रकम सम्बन्धित पालिकाबाट उपलब्ध गराउन अनुरोध गरेका छौँ ।’

यसका साथै मधेश आन्दोलनमा ज्यान गुमाएका र घाइते भएका परिवारहरुका लागिमधेश शहीद प्रतिष्ठान गठन र प्रादेशिक अस्पताललाई आयुर्विज्ञान स्वास्थ्य प्रतिष्ठानको रुपमा परिणत गर्ने निर्णय समेत मन्त्रिपरिषदबाट गरिएको मुख्यमन्त्री राउतले जानकारी दिनुभयो ।

सामुदायिक विद्यालयमा आधारभूत कक्षासम्मका दलित र मुस्लिम समुदायका विपन्न बालिकालाई छात्रवृति कार्यक्रमसमेत अघि बढाउने र गत वर्ष १४ हजार बालिकालाई बाँडिएको साइकलको संख्या बढाएर २० हजार गर्ने प्रक्रियासमेत अगाडि बढाइसकिएको उहाँले जानकारी दिनुभयो ।

गएकाे वर्ष ४ हजार ३ सय ७३ बालिकाको बिमा गरिएको थियो भने मुख्यमन्त्री कार्यालय रहेको कागजात मध्ये ३ हजार १ सय १८ बालिकाको बीमा प्रक्रियामा रहेको छ ।

यस वर्षदेखि पालिका स्तरबाट कार्यक्रम सञ्चालन भएपछि हालसम्म सप्तरीमा १४०८, सिरहा ११२९, धनुषा ६६९, महोत्तरी ८४६, सर्लाही ११७४, पर्सा ७७१, बारा १२०३ रौतहट ८१८ गरी प्रदेशभरिमा ८ हजार १८ बालिकाको बीमा भइसकेको छ ।

‘बेटी पढाउ बेटी बचाउ’ अभियान अन्तर्गत छोरीहरुको बीमाका लागि संघीय सरकारबाट गत वर्ष ५० करोड रुपैयाँ सहयोग गरिएको थियो र यस वर्ष पनि सहयोग राशी आउने मुख्यमन्त्री राउतले बताउनुभयो ।

पत्रकार सम्मेलनमा प्रदेश सभा सदस्य रामआशिष यादव, अशोक यादव, मुख्य न्यायधिवक्ता दिपेन्द्र झालगायतका व्यक्तिहरुको उपस्थिति रहेको थियो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुभाष कर्ण

कर्ण उज्यालाेका धनुषा संवाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्